گوجرانوالہ میں سات سالہ بچے کی بوری بند لاش برآمد ہوئی ہے۔
یہ واقعہ گوجرانوالہ میں تھانہ ایمن آباد کے علاقہ کوٹ بھٹہ میں پیش آیا جہاں پولیس کو علاقے سے حسنین نامی سات سالہ بچے کی لاش برآمد ہوئی۔
پولیس کا کہنا ہے کہ سفاک ملزمان نے حسنین کی آنکھیں بھی نکال دیں۔
پولیس کا کہنا ہے کہ مقتول بچے کی لاش پوسٹ مارٹم کے لیے ہسپتال منتقل کر دی گئی ہے۔
واضح رہے کہ مقتول بچہ ایک روز قبل تھانہ سٹی کامونکی کے علاقہ سے اغوا ہوا تھا جس پر کامونکی سٹی پولیس نے ماموں کی مدعیت میں بچے کے اغوا کا مقدمہ بھی درج کیا تھا۔
Advertisement
آئی جی پنجاب نے حسنین کے قتل کے واقعے کا نوٹس لیتے ہوئے آر پی او گوجرانوالہ سے واقعے کی رپورٹ طلب کر لی۔
راؤ سردار علی خان نے سی پی او گوجرانوالہ کو بچے کی نعش کا پوسٹ مارٹم کروا کے سائنسی بنیادوں پر تحقیقات کرانے کی ہدایت کی۔
آئی جی پنجاب کا کہنا تھا کہ 7 سالہ بچے کے اغواء اور قتل میں ملوث ملزمان کو ٹریس کر کے جلد از جلد گرفتار کیا جائے، معصوم بچوں کو قتل کرنے والے درندہ صفت انسان کسی رعایت کے مستحق نہیں ہیں۔
آئی جی پنجاب راؤ سردار علی خان نے مزید کہا کہ ملزمان کو گرفتار کر کے سخت سزا دلائی جائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
