سندھ میں گزشتہ 24 گھنٹوں میں کورونا وائرس کے مزید 180 نئے کیسز رپورٹ ہوئے ہیں۔

وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان دیتے ہوئے کہا کہ سندھ میں گزشتہ 24 گھنٹوں میں 14015 نمونوں کی جانچ کی گئی ہے اور اب تک 7025476 نمونوں کی جانچ کی جا چکی ہے۔

انہوں نے کہا کہ کورونا وائرس سے متاثرہ اب تک 478936 کیسز رپورٹ ہو چکے ہیں۔

ان کا کہنا تھا کہ سندھ میں کورونا سے اموات کی مجموعی تعداد 7658 ہو چکی ہے اور گزشتہ 24 گھنٹوں میں سندھ میں کورونا سے کوئی اموات نہیں ہوئیں۔

وزیر اعلیٰ سندھ نے کہا کہ کورونا وائرس سے متاثرہ آج مزید 62 مریض صحتیاب ہوئے ہیں جس کے بعد صحتیاب افراد کی مجموعی تعداد 466531 ہو چکی ہے۔

مراد علی شاہ نے کہا کہ سندھ میں اس وقت 4747 مریض زیر علاج ہیں۔ 4576 گھروں میں، 28 آئسولیشن سینٹرز میں اور 143 مریض مختلف ہسپتالوں میں زیر علاج ہیں۔

ان کا کہنا تھا کہ 134 مریضوں کی حالت تشویشناک بتائی گئی ہے اور 15 مریض وینٹی لیٹرز پر ہیں۔

انہوں نے یہ بھی کہا کہ گزشتہ 24 گھنٹوں میں 198777 افراد کو ویکسین لگائی جا چکی ہیں اور اب تک 27711032 افراد کی ویکسینیشن کی جا چکی ہے۔

انہوں نے کہا کہ صوبے کے 180 نئے کیسز میں سے 53 کا تعلق کراچی سے ہے۔ ضلع جنوبی 24، ضلع شرقی 24، غربی 4  اور ضلع وسطی میں 1 نئے کیسز رپورٹ ہوئے ہیں۔

وزیر اعلیٰ کا کہنا تھا کہ کورونا وائرس کے حیدرآباد میں 15، ٹھٹہ 13، نوشہروفیروز 12، سجاول 12، جامشورو 11، مٹیاری 11، شہید بینظیرآباد 11، میرپورخاص 7، لاڑکانہ 6، سانگھڑ 4، تھرپارکر 4، بدین 3، جیکب آباد 3، سکھر 3، ٹنڈوالہیار 3، ٹنڈو محمد خان 3، عمرکوٹ 3، گھوٹکی 2 اور شکارپور میں 1 کیسز رپورٹ ہوئے ہیں۔