قائداعظم محمد علی جناح کی ولادت پر مسلم لیگ ن کے زیر اہتمام تقریب کا انعقاد

ویب ڈیسک

25th Dec, 2021. 10:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قائداعظم محمد علی جناح کی ولادت پر مسلم لیگ ن کے زیر اہتمام تقریب کا انعقاد

مسلم لیگ ن کے زیر اہتمام قائداعظم محمد علی جناح کی ولادت پر تقریب کا انعقاد ہوا ہے۔

سرگودھا میں محمد علی جناح کی ولادت اور قائد مسلم لیگ ن میاں نواز شریف کی تقریب ایک ساتھ منائی گئی جس میں دونوں لیڈران کی سالگرہ کا کیک کاٹا گیا۔

ایم این اے حامد حمید نے اس موقعے پر کہا کہ قائداعظم محمد علی جناح نے ہمیں اپنی قائدانہ صلاحیتوں کی بدولت آزاد ملک دیا، آج اس ملک کو میاں نواز شریف کی قیادت کی ضرورت ہے۔

ممبر قومی اسمبلی نے کہا کہ میاں نواز شریف کی قیادت میں اس ملک کو اسلام کا قلعہ بنا سکتے ہیں کیونکہ محمد علی جناح کے افکار پر صرف مسلم لیگ ن ہی عمل پیرا ہے۔

میاں سبحان کا اس موقعے پر کہنا تھا کہ یہ مہنگائی، لاقانونیت اور بیروزگاری کا دور ہے جو مسلم لیگ ن ہی ختم کرے گی۔

ان کا کہنا تھا کہ قائداعظم محمد علی جناح نے ہمیں آزاد ملک دیا لیکن ہم پھر بھی غلام ہیں، ہم بانی پاکستان کے اصولوں پر عمل پیرا ہو کر ہی پاکستان کو ترقی یافتہ ملک بنا سکتے ہیں۔

تقریب میں مسلم لیگ ن کے ممبر قومی اسمبلی اور کارکنوں کی بڑی تعداد نے شرکت کی۔