وزیراعلیٰ پنجاب کا زندہ دلان لاہور کے لیے ایک اور بڑا تحفہ

ویب ڈیسک

22nd Dec, 2021. 08:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ پنجاب کا زندہ دلان لاہور کے لیے ایک اور بڑا تحفہ

وزیراعلیٰ پنجاب سردار عثمان بزدار نے خصوصی ہدایت پر سینٹر پوائنٹ گلبرگ سے والٹن روڈ ڈیفنس موڑ تک سنگل فری کوریڈور کے میگا پراجیکٹ کی منظوری دے دی ہے۔

عثمان بزدار نے پراجیکٹ کے بارے میں بات کرتے ہوئے کہا کہ کابینہ سٹینڈنگ کمیٹی برائے فنانس اینڈ ڈویلپمنٹ کے اجلاس میں لاہور کے لیے ایک اور میگا پراجیکٹ کی منظوری دی گئی، کیولری گراؤنڈ پر انڈر پاس اور ڈیفنس موڑ پر اوورہیڈ برج کا میگا پراجیکٹ بنے گا جس پر 2 ارب 80 کروڑ روپے کی لاگت آئے گی۔

ان کا کہنا تھا کہ کیولری گراؤنڈ انڈر پاس و ڈیفنس موڑ فلائی اوور کا میگا منصوبہ لاہور کے شہریوں کے لیے بے پناہ ضروری ہے، منصوبے کی تکمیل سے شہریوں کو آمدورفت میں بے پناہ آسانی پیدا ہو گی۔

انہوں نے کہا کہ اس پراجیکٹ کی تکمیل سے شہریوں کو ٹریفک جام رہنے کی شکایت کا ازالہ ہو گا، ان کو سنگل فری کوریڈور کی سہولت ملے گی اور وہ بلاتاخیر اپنی منزل پر پہنچ سکیں گے جس سے شہریوں کا وقت بھی بچے گا اور ایندھن بھی۔