لاہور میں ڈکیتی، شوروم ملازم کے ساتھ گاہگ بھی شکار

لاہور میں ڈکیتی، شو روم ملازم کے ساتھ گاہگ بھی شکار

ویب ڈیسک

17th Dec, 2021. 02:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور میں ڈکیتی، شو روم ملازم کے ساتھ گاہگ بھی شکار

لاہور کےعلاقے شاہدرہ میں امامیہ کالونی کے موٹرسائیکل شوروم میں تین مسلح ڈاکو واردات کرکے ملازم اور گاہگوں سے نقدی اورسامان لے گئے۔

متاثرین کا کہنا تھا کہ ڈاکو موٹرسائیکل شو روم سے 2 لاکھ روپے اور موبائل فون لے کر فرار ہوئے مگر بار بار کال کرنے پر بھی پولیس جائے وقوعہ پر نہ پہنچ سکی۔

دوسری جانب پولیس حکام کا کہنا ہے کہ ڈکیتی کی سی سی ٹی وی فوٹیج حاصل کرلی ہے، اس کی مدد سے ملزمان کے خلاف تحقیقات شروع کردی گئی ہیں۔

ترجمان پولیس نے کہا کہ فوٹیج دیکھ کر تین نامعلوم ملزمان کے خلاف مقدمہ درج کرلیا گیا ہے، جلد ہی ملزمان جیل کی سلاخوں کے پیچھے ہوں گے۔

متاثرین کا کہنا تھا کہ پولیس کی غفلت کے باعث ملزمان فرار ہونے میں آسانی سے کامیاب ہوگئے، پولیس کال اُٹھا لیتی تو وقت پر پہنچ کرڈاکوؤں کو پکڑ سکتی تھی، پولیس کا یہی رویہ عوام کے عدم اعتماد کی وجہ بنتا ہے۔

انہوں نے کہا کہ عوام تو دور یہاں کاروباری شخص بھی محفوظ نہیں، تاجر برادری کو تحفظ فراہم کرنا حکومت کی ذمہ داری ہے ، ملزمان کو جلد از جلد گرفتار کیا جائے۔

انہوں نے مزید کہا کہ آئی جی پنجاب اور وزیراعلیٰ پنجاب بڑھتی ڈکیتیوں کا فوری نوٹس لے کر تاجر برادری و عوام کا تحفظ یقینی بنائیں۔