توہین مذاہب سے متعلق مقدمات ترجیحی بنیادوں پرحل کیے جائیں، طاہر اشرفی

ویب ڈیسک

24th Dec, 2021. 08:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

توہین مذاہب سے متعلق مقدمات ترجیحی بنیادوں پرحل کیے جائیں، طاہر اشرفی

سربراہ متحدہ علماء بورڈ پنجاب حافظ طاہر اشرفی نے کہا ہے کہ چیف جسٹس آف پاکستان سے اپیل ہے کہ توہین مذاہب سے متعلق مقدمات ترجیحی بنیادوں پرحل کیے جائیں۔

طاہر اشرفی نے لاہور میں میڈیا سے گفتگو کرتے ہوئے کہا کہ نصابی کتابوں کو فرقہ واریت اورشدت پسندانہ مواد سے پاک کرنے کا فیصلہ ہوا ہے، ہم اب تک 307 نصابی کتب کو کلیئر قرار دے چکے ہیں۔

ان کا کہنا تھا کہ سانحہ سیالکوٹ پر پوری قوم شرمندہ ہے، دین اسلام ایسے کسی بدترین فعل کی ہرگز اجازت نہیں دیتا۔

انہوں نے کہا کہ انسانی بنیادوں پر افغانوں کی مدد کرنا تمام عالم انسان کی ذمہ داری ہے۔

طاہر اشرفی کا کہنا تھا کہ پاکستان نے آگے بڑھ کر او آئی سی وزرائے خارجہ کی اہم ترین کانفرنس کا انعقاد ممکن بنایا۔

ان کا کہنا تھا کہ حکومتی اور ریاستی سطح پر کرسمس کی تقاریب کا اہتمام کیا جا رہا ہے، پاکستانیوں کو کرسمس کے موقعے پر مسیحی برادری سے حسن سلوک اور ان کی خوشیوں میں شریک ہونا چاہیے۔

حافظ طاہر اشرفی کا مزید کہنا تھا کہ مولانا فضل الرحمن توقع کرتے ہیں کہ انہیں بلدیاتی انتخاب جیتنے پر مبارک باد دی جائے، انہیں چاہیے کہ پہلے وہ عمران خان کو وزارت عظمی کے منصب تک پہنچنے کی مبارک باد دیں۔