کراچی: پولیس نے گٹکا، ماوا اور چھالیہ کی سپلائی ناکام بنادی

ویب ڈیسک

05th Dec, 2021. 07:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: پولیس نے گٹکا، ماوا اور چھالیہ کی سپلائی ناکام بنادی

کراچی میں ویسٹ پولیس نے مضرِ صحت گٹکا، ماوا اور چھالیہ کی سپلائی ناکام بنا دی ہے۔

تفصیلات کے مطابق ملزمان کی گرفتاریاں بنارس اور پختون مارکیٹ کے قریب سے عمل میں لائی گئیں، ایس ایچ او پیرآباد نے 2 کارروائیوں کے دوران ملزمان نعمان اور گل زرین کو گرفتار کیا۔

پولیس حکام کا کہنا ہے کہ ملزمان کے قبضے سے 104 کلو چھالیہ، وافر مقدار میں تیار گٹکا ماوا، تمباکو اور پیکنگ کا سامان بر آمد ہوا ہے، ملزمان گٹکا اور ماوا تیار کر کے مختلف علاقوں میں سپلائی کرتے تھے۔

پولیس حکام کے مطابق ملزمان کے خلاف مقدمات درج کر لئے گئے ہیں جبکہ مزید تفتیش جاری ہے۔

دوسری جانب کراچی میں ویسٹ پولیس کی منشیات فروش ملزمان کے خلاف مسلسل کارروائیاں جاری ہیں۔

ایس ایس پی سوہائی عزیز کا کہنا تھا کہ منشیات سپلائیر سمیت 3 منشیات فروش ملزمان کو گرفتار کر لیا گیا ہے، ملزمان کی گرفتاریاں تھانہ منگھو پیر اور مومن آباد سے عمل میں لائی گئیں۔

ایس ایس پی کے مطابق ملزمان سے 01 کلو 339 گرام فائن کوالٹی کی چرس اور نقدی برآمد ہوئی ہے، ملزمان کے خلاف کنٹرول آف نارکوٹیکس سبٹینس ایکٹ کے تحت مقدمات درج کرلیا جبکہ تفتیش جاری ہے۔

واضح رہے کہ گرفتار ملزمان میں سپلائیر محمد نسیم اور منشیات فروش ساجد اور نوید شامل ہیں۔