کھاد کی عدم فراہمی پر کسانوں کا احتجاج

ویب ڈیسک

14th Dec, 2021. 05:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کھاد کی عدم فراہمی پر کسانوں کا احتجاج

میانوالی میں کھاد کی عدم فراہمی پر کسانوں نے شدید احتجاج کیا۔

تفصیلات کے مطابق پنجاب میں کھاد کی قلت اور مہنگے داموں ملنے کی وجہ سےمینانوالی میں بھی کھاد کی عدم دستیابی پر کسانوں نے شدید احتجاج کرتے ہوئے میانوالی تا بنوں روڈ بند کردیا ہے۔

کسان برادری کا کہنا تھا کہ حکومت کی مقررہ کردہ قیمتوں کےبجائے ڈیلر مہنگے داموں کھاد فروخت کرہےہیں، صوبائی و وفاقی حکومت فوری نوٹس لے۔

کسان رہنماؤں کا کہنا تھا کہ گزشتہ دو ماہ سے کھاد کے حصول کے لئے رُل رہے ہیں مگرکھاد نہیں مل رہی ہے۔

کسان مظاہرین کا کہنا تھا کہ کھاد کا کوٹہ بڑھایا جائے۔

اُنہوں نے کہا کہ گراں فروشوں اور ذخیرہ اندوزوں کے خلاف کارروائی کرکے مقدمات درج کئے جائیں۔

اُن کا مزید کہنا تھا کہ گندم کی فصل کھاد نہ ملنے کی وجہ سے خراب ہورہی ہے، جس سے گندم کی قلت پیدا ہوگی ۔

یاد رہے کہ پنجاب حکومت کی کھاد کی ساڑھے بارہ سو ارب روپے کی سبسڈی کے باجود پنجاب کسانوں کو کھاد کی قلت کا سامنا کرنا پڑ رہا ہے اور کسان احتجاج شہر شہر بڑھتا جارہا ہے