محکمہ صحت گلگت بلتستان نے کہا ہے کہ گلگت میں مذید 2 افراد میں کورونا وائرس کی تصدیق ہوئی ہے۔
محکمہ صحت نے گلگت میں کورونا وائرس کی صورتحال پر رپورٹ دیتے ہوئے کہا کہ صوبہ میں کورونا وائرس سے متاثرہ مریضوں کی مجموعی تعداد 10439 ہے۔
ادارے نے کہا کہ صوبہ میں کورونا کے ایکٹیو کیسز کی تعداد 10 ہو گئی ہے اور کورونا سے آج کوئی بھی مریض صحتیاب نہیں ہوا ہے۔
محکمہ صحت نے کہا کہ کورونا وائرس کو 307 سیاحوں، محکمہ تعلیم 1072 سمیت مجموعی طور پر 10243 مریض شکست دینے میں کامیاب ہوئے ہیں۔
ادارے کا کہنا تھا کہ کورونا سے گلگت بلتستان میں اب تک 186 مریض زندگی کی بازی ہار چکے ہیں۔
محکمہ صحت کے مطابق کورونا کیسز کی شرح گلگت بلتستان میں 0.62 فیصد، صحتیابی کی شرح 98.12 جبکہ اموات کی شرح 1.78 فیصد ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News