کمشنر لاہور کیپٹن ر محمد عثمان نے کہا ہے کہ ایک طویل عرصہ کے بعد ایکسپو سینٹر میں عالمی نمائشوں کا انعقاد قابل تحسین ہے۔
محمد عثمان کی زیر صدارت لاہور میں عالمی نمائشوں کے انتظامات کے بارے میں اجلاس کا انعقاد ہوا جس میں ٹی ڈیپ نے بریفنگ دیتے ہوئے کہا کہ فروری میں لاہور ایکسپو سینٹر میں دو عالمی نمائشوں کا انعقاد ہو گا۔
کمشنر لاہور کا اس موقعے پر کہنا تھا کہ دونوں نمائشوں میں محکمہ صحت کے اصولوں کے مطابق ایس او پیز کو یقینی بنایا جائے گا، کووڈ ویکسینیشن اور ماسک فراہمی سنٹرز قائم کیے جائیں گے اور دونوں عالمی سطح کی نمائشوں کے موقع پر سٹی برینڈنگ بھی کی جائے گی۔
محمد عثمان کا کہنا تھا کہ کامیاب خواتین بزنس پرسنز اور انجینیرنگ پر نمانشوں کے انتظامات کی سیکیورٹی کو انتہائی سطح پر مکمل کی جائے۔
ان کا کہنا تھا کہ ایئرپورٹ پر نمائشوں کے غیر ملکی شرکاء و وفود کی سہولت کے لیے کاونٹرز قائم ہوں گے۔
اجلاس میں اڈیشنل کمشنر امان انور قدوائی، ٹریڈ اینڈ ڈویلپمنٹ اتھارٹی کی مینیجمنٹ و ڈپٹی ڈائریکٹرز، پولیس، ٹریفک پولیس، پی ایچ اے اور دیگر افسران نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
