وزیراعلیٰ سندھ سید مراد علی شاہ نے کورونا وائرس کی صورتحال سے متعلق بیان دیا ہے۔

مراد علی شاہ نے بیان میں کہا کہ سندھ میں گزشتہ 24 گھنٹوں میں 14868 نمونوں کی جانچ کی گئی ہے اور 24 گھنٹوں میں مزید 938 نئے کیسز رپورٹ ہوئے ہیں۔

ان کا کہنا تھا کہ گزشتہ 24 گھنٹوں میں مزید 3 مریض انتقال کر گئے ہیں جس کے بعد اموات کی مجموعی تعداد 7681 ہو چکی  ہے۔

انہوں نے کہا کہ آج مزید 107 مریض صحتیاب ہوئے ہیں جس کے بعد صحتیاب افراد کی مجموعی تعداد 468665 ہو چکی ہے۔

مراد علی شاہ کا کہنا تھا کہ اب تک 7242318 نمونوں کی جانچ کی جا چکی ہے اور اب تک صوبہ میں 485422 کیسز رپورٹ ہو چکے ہیں۔

ان کا کہنا تھا کہ اس وقت 9076 مریض زیر علاج ہیں۔ 8817 گھروں میں، 110 آئسولیشن سینٹرز میں اور 149 مریض مختلف ہسپتالوں میں زیر علاج ہیں۔

وزیراعلیٰ سندھ نے کہا کہ 142 مریضوں کی حالت تشویشناک بتائی گئی ہے اور 11 مریض وینٹی لیٹرز پر ہیں۔

مراد علی شاہ نے کہا کہ صوبے کے 938 نئے کیسز میں سے 759 کا تعلق کراچی سے ہے۔ ضلع شرقی 281، ضلع جنوبی 246، ضلع وسطی 149، کورنگی 55، ضلع غربی 19 اور ملیر میں سے 9 نئے کیسز رپورٹ ہو چکے ہیں۔

ان کا کہنا تھا کہ حیدرآباد 27، ٹھٹھہ 24، ٹنڈو الہیار 15، نوشہروفیروز 14، مٹیاری 13، سجاول 11، جامشورو 10، دادو 7، تھرپارکر 6، گھوٹکی اور شہید بے نظیر آباد 5۔ 5، جیکب آباد، عمرکوٹ، سانگھڑ اور لاڑکانہ 4۔4، بدین اور میرپورخاص 3۔3، خیرپور اور سکھر 2۔2 اور شکارپور میں سے 1 نئے کیسز سامنے آچکے ہیں۔

انہوں نے مزید کہا کہ گزشتہ 24 گھنٹوں میں 179475 افراد کو ویکسین لگائی جا چکی ہیں اور اب تک 30470881 افراد کی ویکسینیشن کی جا چکی ہے۔