معاون خصوصی وزیر اعلیٰ پنجاب حسان خاور نے کہا ہے کہ نئے سال میں وعدہ ہے کہ ہم اور ڈیلیور کریں گے۔

حسان خاور نے سماجی رابطے کی ویب سائٹ ٹوئٹر پر اپنے ایک پیغام میں کہا کہ ‏ہم نے پنجاب کی عوام کو نئے سال کے آغاز پر صحت کارڈ کا تحفہ دیا ہے، دنیا کی جدید اور امیر ترین ریاستیں جو کام نہیں کر سکیں وہ ہم نے کر دکھایا ہے۔

معاون خصوصی وزیر اعلیٰ پنجاب نے کہا کہ عثمان بزدار حکومت تحریک انصاف کے منشور کے ایک ایک لفظ پر عملدرآمد کروائے گی۔

ہم نے پنجاب کے عوام کو نئے سال کے آغاز پر صحت کارڈ کا تحفہ دیا ہے۔ دنیا کی جدید اور امیر ترین ریاستیں جو کام نہیں کرسکیں وہ ہم نے کر دکھایا ہے۔ نئے سال میں وعدہ ہے کہ ہم اور، اور، اور ڈیلیور کریں گے۔ عثمان بزدار حکومت تحریک انصاف کے منشور کے ایک ایک لفظ پر عملدرآمد کروائے گی۔

Advertisement

— Hasaan Khawar (@hasaankhawar) January 2, 2022

حسان خاور کا کہنا تھا کہ ‏ہم نئے سال میں اپوزیشن کے لیے بھی دعا گو ہیں، اللہ اپوزیشن کو ہوش کے ناخن دے اور انتشار کی سیاست سے توبہ تائب ہونے کی توفیق دے۔

ان کا کہنا تھا کہ دعا ہے کہ اللہ تعالٰی اپوزیشن کو مفاد پرستی کی سیاست سے دور کرے اور اللہ تعالیٰ اپوزیشن کی کرپٹ سیاست کے دل سے پیسے کی حرص کے بجائے ملک کی محبت پیدا کرے۔

نئے سال میں اپوزیشن کے لیے بھی دعا گو ہیں۔ اللہ اپوزیشن کو ہوش کے ناخن دے اور اپوزیشن کو انتشار کی سیاست سے توبہ تائب ہونے کی توفیق دے۔ اللہ تعالی اپوزیشن کو مفاد پرستی کی سیاست سے دور کرے
اور اپوزیشن کی کرپٹ سیاست کے دل سے پیسے کی حرص کی بجائے ملک کی محبت پیدا کرے۔

Advertisement

— Hasaan Khawar (@hasaankhawar) January 2, 2022