ملک کے معروف مذہبی رہنما مولانا طارق جمیل کی   بلی اور طوطے کے ساتھ خوشگوار موڈ  میں   ویڈیو وائرل ہوگئی۔

سماجی رابطے کی ویب سائٹ ٹوئیٹر پر مولانا طارق جمیل کے آفیشل اکاؤنٹ سے شیئر کی گئی ویڈیو میں دیکھا جاسکتا ہے کہ وہ اپنا آئی فون استعمال کررہے ہیں جبکہ ان کے کندھے پر بیٹھا طوطاانہیں اپنی جانب متوجہ کرنے کی کوشش کررہا ہے۔

اس سارے منظر کو سامنے میز پر بیٹھی بلی بہت غور سے دیکھ رہی ہے۔

ویڈیو کے کیپشن میں حدیث رسول ﷺ لکھی گئی ہے جس کا مفہوم ہے کہ’  تم زمین والوں پر رحم کرو، تو آسمان والا تم پر رحم کرے گا‘۔

Advertisement

إرحموا من فی الأرض يرحمكم من في السماء.

"  Be merciful to those on the earth and the One in the heaven will be merciful to you." pic.twitter.com/Vp5GBD3qjN

— Tariq Jamil (@TariqJamilOFCL) January 7, 2022

واضح رہے کہ مولانا طارق جمیل کا شمار اتحاد بین المسلمین کے داعی ملک کے بڑے مذہبی رہنماؤں میں ہوتا ہے۔

مولانا طارق جمیل ملک میں اسلام کی تبلیغ کے لیے ہمیشہ پیش پیش رہتے ہیں۔ ان کے نزدیک ملک کا سب سے بڑا مسئلہ اللہ سے دوری ہے۔

ان کا کہنا ہے کہ ہماری تبلیغ کا اصول ہے کہ ہم مذمت نہیں کرتے بلکہ مثبت بات کرتے ہیں۔

مولانا طارق جمیل اور وزیر اعظم عمران خان ایک دوسرے سے خصوصی لگاؤ رکھتے ہیں اور اکثر ملک کے مذہبی معاملات پر بات چیت کرتے رہتے ہیں۔