محکمہ صحت نے کہا ہے کہ خیبرپختونخوا میں کورونا سے جاں بحق افراد کی تعداد 6 ہزار 182 ہو گئی ہے۔
محکمہ صحت خیبرپختونخوا نے صوبہ میں کورونا وائرس کی صورتحال پر رپورٹ دیتے ہوئے کہا کہ خیبرپختونخوا میں گزشتہ 24 گھنٹوں کے دوران کورونا سے 5 مریضوں کا انتقال ہوا۔
ادارے نے کہا کہ خیبرپختونخوا میں 24 گھنٹوں میں کورونا وائرس سے مزید 515 افراد متاثر ہوئے ہیں جس کے بعد یہاں کورونا کیسز کی مجموعی تعداد 2 لاکھ 14 ہزار 277 ہو گئی ہے۔
محکمہ صحت کا کہنا ہے کہ خیبرپختونخوا میں 24 گھنٹوں کے دوران کورونا سے متاثرہ 654 مریض صحت یاب ہوئے ہیں جس کے بعد یہاں کورونا سے صحتیاب افراد کی مجموعی تعداد ایک لاکھ 96 ہزار 425 ہو گئی ہے۔
ادارے نے کہا کہ پشاور میں گزشتہ 24 گھنٹوں کے دوران 2 مریض جاں بحق ہوئے ہیں جس کے بعد یہاں کورونا وائرس سے جاں بحق افراد کی مجموعی تعداد 3 ہزار 42 ہو گئی ہے۔
محکمہ صحت کے مطابق پشاور میں کورونا سے 24 گھنٹوں کے دوران مزید 114 افراد متاثر ہوئے، یہاں کورونا کیسز کی مجموعی تعداد 80 ہزار 634 ہو گئی ہے۔
ادارے کا مزید کہنا ہے کہ خیبرپختونخوا میں ایک دن میں 11 ہزار 25 ٹیسٹ کیے گئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News