تحریک انصاف حکومت نے بی آر ٹی کو جعلی ایوارڈ دلایا، اختیار ولی

ویب ڈیسک

19th Feb, 2022. 10:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تحریک انصاف حکومت نے بی آر ٹی کو جعلی ایوارڈ دلایا، اختیار ولی

اختیار ولی خان نے کہا ہے کہ تحریک انصاف حکومت نے بی آر ٹی کو جعلی ایوارڈ دلایا۔

ترجمان مسلم لیگ ن خیبرپختونخوا اختیار ولی خان نے اپنے بیان میں کہا کہ انسٹیٹیوٹ فار ٹرانسپورٹیشن ڈویلپمنٹ بی آر ٹی کی ٹھیکیدار نکلی، مذکورہ فرم نے فزیبلٹی اور ڈیزائن بنانے کے بھی سولہ کروڑ وصول کیے تھے۔

اختیار ولی نے کہا کہ پشاور ہائیکورٹ نے ایف آئی اے اور نیب کو بی آر ٹی کی کرپشن کی تحقیقات کا حکم دیا تھا، اپنی اور سب کی کرپشن پر دھول ڈالنے کے لیے ایوارڈ کا ڈرامہ رچایا گیا۔

ان کا کہنا تھا کہ تبدیلی سرکار کی مین ڈیٹ کی طرح ان کا ایوارڈ بھی جعلی نکلا، ساری بدنامیاں عمران اور اس کی حکومت کا خود پیچھا کر رہی ہیں۔

انہوں نے کہا کہ مسلم لیگ ن جعلی ایوارڈ کی تحقیقات کا مطالبہ کرتی ہے، پشاور ہائیکورٹ کرپشن کی تحقیقات اور جعلی گولڈ ایوارڈ پر سو موٹو ایکشن لے۔