خان صاحب کی ریاست مدینہ کہاں ہے؟ سردار یار محمد رند

ویب ڈیسک

18th Feb, 2022. 11:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خان صاحب کی ریاست مدینہ کہاں ہے؟ سردار یار محمد رند

سردار یار محمد رند نے کہا ہے کہ خان صاحب کی ریاست مدینہ کہاں ہے؟

پی ٹی آئی پارلیمانی لیڈر سردار یار محمد رند نے پریس کانفرنس کرتے ہوئے کہا کہ میڈیا مظلوموں کی آواز ملک ملک کے کونے کونے تک پہنچا رہا ہے۔

ان کا کہنا تھا کہ خان صاحب کہاں ہے ریاست مدینہ؟ ریاست مدینہ میں قاتلوں کو تحفظ نہیں دیتے۔

سردار رند نے کہا کہ صوبائی حکومت ناکام ہو چکی ہے، قاتلوں کی گرفتاری عمل میں نہیں آرہی ہے۔

ان کا کہنا تھا کہ موجودہ حکومت میں پہلی مرتبہ وزارتیں بھی فروخت ہو رہی ہیں، نااہل لوگوں کو ہم پر مسلط کر دیا گیا ہے۔

انہوں نے کہا کہ موجودہ حکومت سے جام کمال کی بہتر حکومت تھی، موجودہ صوبائی حکومت بلوچستان کے عوام کے لیے ایک عذاب ہے۔ اللہ پاک کی ناراضگی کی وجہ سے صوبائی حکومت مسلط ہوئی ہے۔

سردار رند کا کہنا تھا کہ قدوس بزنجو کی انتہائی نااہل حکومت نے عوام کی مشکلات میں اضافہ کیا ہے، صوبائی حکومت اور وزراء ٹھیکوں اور کمیشن لینے میں مصروف عمل ہیں۔