اردو میڈیم سرکاری اسکولوں کو انگریزی میڈیم اسکولوں کے برابر لائیں گے، میر عبدالقدوس بزنجو

ویب ڈیسک

19th Feb, 2022. 10:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

اردو میڈیم سرکاری اسکولوں کو انگریزی میڈیم اسکولوں کے برابر لائیں گے، میر عبدالقدوس بزنجو
وزیر اعظم اور صدر مملکت کی بڑی بیٹھک؛ آزاد کشمیر میں ممکنہ سیاسی تبدیلیوں پر اہم گفتگو
اپنی قوت پر اعتماد کریں کوئی تمہارا بال بیکا نہیں کر سکتا، مولانا فضل الرحمن
کراچی، ٹائروں کے گودام میں خوفناک آتشزدگی، 19 گھنٹوں سے ریسکیو آپریشن جاری

Now Reading:

اردو میڈیم سرکاری اسکولوں کو انگریزی میڈیم اسکولوں کے برابر لائیں گے، میر عبدالقدوس بزنجو

میر عبدالقدوس بزنجو نے کہا ہے کہ اردو میڈیم سرکاری اسکولوں کو انگریزی میڈیم اسکولوں کے برابر لائیں گے۔

وزیراعلئ بلوچستان میر عبدالقدوس بزنجو نے اردو میڈیم اسکولوں کے معیار کی بہتری کا اعلان کرتے ہوئے کہا کہ آئندہ بجٹ میں اردو میڈیم پرائمری اسکولوں کے معیار کی بہتری کو ترجیح حاصل رہے گی، سرکاری شعبہ کے اردو میڈیم پرائمری اسکولوں کی بہتری کی جامع پالیسی مرتب کی جائے گی۔

ان کا کہنا تھا کہ تعلیمی پسماندگی کے خاتمے کے لیے شعبہ تعلیم میں اصلاحات اور انقلابی تبدیلیاں ناگزیر ہیں۔

انہوں نے کہا کہ گزشتہ ادوار میں بھی شعبہ تعلیم کی ترقی کی باتیں ہوتی رہیں لیکن موثر پالیسی کا فقدان رہا، بجٹ کا بڑا حصہ تعلیم پر خرچ ہوتا ہے لیکن خاطر خواہ نتائج نہیں ملتے۔

ان کا یہ بھی کہنا تھا کہ اپنے بچوں کو معیاری تعلیم کی فراہمی کے بغیر ترقی کے اہداف کا حصول ممکن نہیں ہے، اردو اور انگلش میڈیم اسکولوں کے معیار میں بہت زیادہ فرق ہے، ایک ہی معاشرے میں تعلیمی معیار کے فرق سے بچوں میں احساس کمتری پیدا ہوتی ہے۔