سندھ ہاؤس میں موجود حکومتی اراکین کے نام سامنے آ گئے۔

تفصیلات کے مطابق سندھ ہاؤس میں موجود حکومتی اراکین کے نام سامنے آ گئے جبکہ سندھ ہاؤس میں حکومتی اراکین کےعلاوہ ن لیگ،ق لیگ و دیگر جماعتوں کے اراکین سندھ ہاؤس میں موجود ہے۔

ذرائع کے مطابق سندھ ہاؤس میں موجود حکومتی اراکین میں راجہ ریاض، باسط سلطان بخاری، نورعالم خان، ملتان سے رکن قومی اسمبلی احمد حسین ڈیہڑ، نواب شیر وسیر سمیت دیگر شامل ہیں۔

The following might VOTE according to their CONSCIENCE

Advertisement

RAJA RIAZ
NAWAB SHER WASEER
RANA QASIM NOON
GAFFAR WATOO
NOOR ALAM
RIAZ MAZARI

Advertisement

KHAWAJA SHERAZ
BASIT BUKHARI
AHMAD HASAN DEHAR
RAMESH KUMAR
AND ONE LADY

— Murad Raas (@DrMuradPTI) March 17, 2022

حکومتی رکن قومی اسمبلی راجہ ریاض نے نام سامنے آنے پر میڈیا سے گفتگو کرتے ہوئے کہا کہ پارلیمنٹ لاجز پر حملے کا خدشہ ہے اس لیے سندھ ہاؤس میں ہیں، سندھ ہاؤس میں 24 ایم این ایز موجود ہیں اور ابھی مزید کئی اراکین اسمبلی ہیں جو سندھ ہاؤس آنا چاہتے ہیں۔

انہوں نے کہا کہ وزیر اعظم عمران خان کو اس وقت نااہل مشیروں کا سامنا ہے،وزیر اعظم مہنگائی اور کرپشن کے خلاف سخت اقدامات کریں جبکہ گالم گلوچ تحریک انصاف کا ٹریڈ مارک بن چکا ہے،وزیر اعظم عمران خان کو اپنے ورکز کے رویے کا نوٹس لینا چاہیے۔

راجہ ریاض کا کہنا تھا کہ کسی نے کوئی پیسہ نہیں دیا، وزیراعظم سے اختلافات ہیں اس لیے ضمیر کے مطابق فیصلہ کرکے تحریک عدم اعتماد میں ووٹ دیں گے۔

ان کا یہ بھی کہنا تھا کہ پوری قوم کو پتہ ہے پولیس سے لاجز پر حملہ کرایا گیا،ہمارے ارکان پر تشدد کیا گیا تھانے لے گئے، محسوس کیا جو واقعہ لاجز میں ہوا وہ ہمارے ساتھ بھی ہوسکتا ہے۔

حکومتی رکن قومی اسمبلی راجہ ریاض کا مزید کہنا تھا کہ عمران خان اگر اس بات کی ضمانت دیں کہ تحریک عدم اعتماد پر اراکین اسمبلی اپنی مرضی کا فیصلہ کر سکتے ہیں اور ان کے خلاف کوئی پولیس کارروائی نہیں ہوگی تو وہ پارلیمنٹ لاجز جانے کے لیے تیار ہیں۔

اس موقع پر حکومتی رکن اسمبلی باسط سلطان بخاری نے بھی کہا کہ وفاقی وزراء ہم پر تہمت لگا رہے ہیں، تحریک انصاف کی حکومت سے کوئی وزارت نہیں مانگی لیکن ایک منصوبہ تھا جو اپنی سربراہی میں مکمل کرنے کا کہا تھا  لیکن حکومت نے ساڑھے 3 سالوں میں کچھ نہیں کیا۔

رکن اسمبلی نواب شیر وسیر نے نام سامنے آنے پر کہا کہ وہ آئندہ انتخابات میں پی ٹی آئی کے ٹکٹ سے حصہ نہیں لیں گے۔

نواب شیر وسیر کا مزید کہنا تھا کہ سیاستدان کو ایسی زبان استعمال نہیں کرنی چاہیے ، پارلیمنٹ لاجز کے واقعے کی وجہ سے ہم سندھ ہاؤس منتقل ہوئے، ہمیں فواد چوہدری سے پوچھنے  کی ضرورت نہیں۔

نور عالم خان نے کہا کہ عمران خان کی 20 کروڑ والی بات پر افسوس ہوا۔ ہم لائے نہیں گئے بلکہ خود آئے ہیں۔ لوڈشیڈنگ یا کرپشن کے خلاف آواز اٹھائی تو کہا گیا کیا آپ پیپلز پارٹی میں ہیں۔ میرے حلقے میں گیس نہیں آتی کوئی بات سننے والا نہیں ہے۔

حکومتی رکن قومی اسمبلی احمد حسین ڈیہڑ نے نام سامنے آنے پر کہا کہ ہم پیسے لے کر بکنے والے نہیں ہیں، اپنی مرضی سے سندھ ہاؤس آئے ہیں حکومت کا پیسوں کا الزام جھوٹ پر مبنی ہے۔

یاد رہے اس سے قبل وزیراعظم عمران خان کو سندھ ہاؤس کے اندر کی سرگرمیوں کی تصاویر اور ویڈیوز موصول ہوئی تھیں ، ذرائع کا کہنا تھا کہ تحریک انصاف کے کچھ اراکین اہلخانے کے ہمراہ سندھ ہاؤس میں قیام پذیرہیں۔