موجودہ حکومت پسے ہوئے طبقے کو ریلیف دینے کیلئے پرعزم ہے، خسرو بختیار

ویب ڈیسک

03rd Mar, 2022. 06:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موجودہ حکومت پسے ہوئے طبقے کو ریلیف دینے کیلئے پرعزم ہے، خسرو بختیار

خسرو بختیار نے کہا ہے کہ موجودہ حکومت پسے ہوئے طبقے کو ریلیف دینے کیلئے پرعزم ہے۔

وفاقی وزیر خسرو بختیار نے اسلام آباد میں تقسیم احساس کفالت کارڈ کی تقریب سے خطاب کرتے ہوئے کہا کہ وزیر اعظم نے احساس کفالت کارڈ سے ملنے والی رقم کو 13ہزار سے بڑھا کر 14ہزار کردیا ہے۔

انہوں نے کہا کہ موجودہ حکومت پسے ہوئے طبقے کو ریلیف دینے کیلئے پرعزم ہے، حکومت نے احساس راشن کارڈکیلئے 120ارب روپے مختص کیے ہیں جبکہ حکومت نے صحت کارڈ کیلئے 400ارب روپے مختص کئے ہیں۔

خسرو بختیار کا کہنا تھا کہ ضلع وہاڑی میں 60ہزار543 افراد میں احساس کفالت کارڈز تقسیم کئے جا رہے ہیں جبکہ صحت کارڈ سے ہر خاندان سال میں 10لاکھ روپے تک کا مفت علاج کروا سکتے ہیں۔

وفاقی وزیر خسرو بختیار کا مزید کہنا تھا کہ کاشتکاروں کو کسان کارڈ کے اجراء سے فصلوں کی پیداوار ی صلاحیتیں بڑھیں گی۔

واضح رہے کہ وہاڑی میں وفاقی وزیر خسرو بختیار نے مستحق خواتین میں احساس کفالت کارڈ ز تقسیم کئے جبکہ تقریب میں کاشتکاروں میں کسان کارڈز بھی تقسیم کئے گئے۔