گوجرانوالہ: تیز رفتار بس کار سے ٹکرا گئی، 4 افراد جاں بحق

ویب ڈیسک

10th Mar, 2022. 12:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گوجرانوالہ: تیز رفتار بس کار سے ٹکرا گئی، 4 افراد جاں بحق

گوجرانوالہ میں تیز رفتار بس کار سے ٹکرا گئی جس کے نتیجے میں 4 افراد جاں بحق ہو گئے۔

یہ واقعہ کامونکی کے قریب جی ٹی روڈ پر پیش آیا جہاں تیز رفتار بس کار سے ٹکرا گئی جس کے باعث 2 خواتین سمیت 4 افراد جاں بحق ہو گئے۔

ریسکیو ٹیموں نے لاشوں کو تحصیل ہسپتال کامونکی منتقل کر دیا ہے۔

ریسکیو کا کہنا ہے کہ جاں بحق ہونے والے چاروں افراد مزنگ لاہور کے رہائشی تھے، کار ڈرائیور یوٹرن لے رہا تھا کہ تیز رفتار بس نے کار کو ٹکر مار دی۔

واضح رہے کہ دنیا بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔