کراچی میں اسکول کے اوقات میں سڑکوں پر ہیوی ٹریفک پر پابندی عائد

ویب ڈیسک

24th Mar, 2022. 10:08 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں اسکول کے اوقات میں سڑکوں پر ہیوی ٹریفک پر پابندی عائد

کراچی میں اسکول کے اوقات میں سڑکوں پر ہیوی ٹریفک پر پابندی عائد کردی گئی ہے۔

ڈی آئی جی ٹریفک نے شارع فیصل پر ٹریفک حادثے میں باپ اور 2 کمسن بیٹیوں کی ہلاکت کا نوٹس لیتے ہوئے اسکول کے اوقات میں سڑکوں پر تمام ہیوی ٹریفک پر پابندی عائد کرکے بذریعہ وائرلیس احکامات صادر کر دیئے ہیں۔

ترجمان ٹریفک پولیس کے اعلامیے کے مطابق ڈی آئی جی ٹریفک نے ہدایت کی ہے کہ اسکول کے اوقات صبح 7 سے9بجےاور شام 5 سے9بجے تک ہر طرح کی ہیوی ٹریفک کا سڑکوں پر داخلہ ممنوع ہوگا۔

خیال رہے کہ 2 روز قبل شارع فیصل پر صبح کے وقت بائیک پر سوار باپ اور 2 کم سن بچیوں کو ایک تیز رفتار واٹر ٹینکر نے کچل دیا تھا۔

واضح رہے کہ دنیا بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔