مفتاح اسماعیل نے کہا ہے کہ شوکت ترین نے معیشت کا بیڑہ غرق کردیا ہے۔

پاکستان مسلم لیگ (ن) کے رہنما اور سابق وزیر خزانہ مفتاح اسماعیل نے کراچی میں پریس کانفرنس کرتے ہوئے کہا کہ حکومت نے آئی ایم ایف کی اجازت کے بغیر ایمنسٹی دی۔

سابق وزیر خزانہ نے کہا کہ حکومت جاتے جاتے آئی ایم ایف سےڈیل توڑ رہی ہے، ڈیل توڑنے کے فیٹف پربہت اثرات پڑیں گے۔

مسلم لیگ (ن) کے رہنما کا کہنا تھا کہ عمران خان آئی ایم ایف معاہدےکی خلاف ورزی کرنے جارہے ہیں، رواں سال بجٹ اور کرنٹ اکاؤنٹ خسارہ تاریخ کا سب سے بڑا ہوگا۔

مفتاح اسماعیل نے کہا کہ شوکت ترین نےمعیشت کابیڑہ غرق کردیا ہے ،46 سو ارب روپے بجٹ کا خسارہ کرنے والوں نے ایک بجلی کاپلانٹ نہیں لگایا، اس حکومت میں 60 لاکھ افراد بے روزگار ہوئے، پاکستان میں بھارت اوربنگلا دیش سےزیادہ مہنگائی ہے۔

انہوں نے یہ بھی کہا کہ حکومت نےجو قرض لیا وہ ایٹم بم ہے، عمران خان معیشت کو ایسا کر کے جا رہے ہیں کہ ٹھیک کرنے میں وقت لگے گا۔

پاکستان مسلم لیگ (ن) کے رہنما اور سابق وزیر خزانہ مفتاح اسماعیل نے مزید کہا کہعمران خان کہتے ہیں اشیاکی قیمتیں دیکھنےنہیں آیا، حکومت قیمتوں کو نہیں دیکھےگی تو کون دیکھےگا؟