شہر قائد میں رمضان المبارک سے پہلے گرمی بڑھنے کی پیش گوئی کردی گئی ہے جو کہ رواں ماہ کے آخر تک جاری رہیگی۔

اس دوران درجہ حرارت 38 ڈگری سینٹی گریڈ تک ریکارڈ ہونے کا امکان ہے جبکہ گرمی کی شدت 40 ڈگری سینٹی گریڈ تک محسوس کی جائے گی۔

محمکہ موسمیات کے مطابق شہر بھر میں اس دوران سمندری ہوائیں معطل رہینگی اور موسم کی یہ صورتحال 30 مارچ تک جاری رہنے کا امکان ہے۔

دوسری جانب آئندہ بارہ گھنٹوں کے دوران ملک کے بیشتر میدانی علاقوں میں موسم زیادہ تر گرم اور خشک رہنے کا امکان ہے۔

تاہم کشمیر، گلگت بلتستان، بالائی خیبرپختونخوا میں موسم جزوی طور پر ابر آلود رہنے اور گرج چمک کے ساتھ بارش کا امکان ہے۔

اسلام آباد 18 ڈگری سینٹی گریڈ، لاہور 21 ڈگری، کراچی 24 ڈگری، پشاور 24 ڈگری، کوئٹہ ڈگری، گلگت 12 ڈگری اور مظفر آباد 14 ڈگری سینٹی گریڈ ریکارڈ پر ہے۔

ہندوستانی غیر قانونی طور پر مقبوضہ جموں و کشمیر کے لئے میٹ آفس کی پیش گوئی کے مطابق، سری نگر، پلوامہ، اننت ناگ، شوپیاں اور بارہمولہ میں جزوی طور پر ابر آلود اور گرج چمک کے ساتھ بارش کے امکانات کے ساتھ موسم اور لیہہ میں جزوی طور پر ابر آلود اور خشک جبکہ جموں میں خشک رہنے کا امکان ہے۔

آج صبح سری نگر 09 ڈگری سینٹی گریڈ، جموں 16، لیہہ 01، پلوامہ 08، بارہمولہ اور شوپیاں 06 اور اننت ناگ 07 ڈگری سینٹی گریڈ ریکارڈ کیا گیا ہے۔