او آئی سی اجلاس؛ اسلامی ممالک کے وزرائے خارجہ اور اہم شخصیات کی آمد
اسلامی تعاون تنظیم کی وزرائے خارجہ کونسل کے اجلاس میں شرکت کے لئے اسلامی ممالک کے وزرائے خارجہ اور اہم شخصیات کی آمد کا سلسلہ شروع ہوگیا ہے۔
اسلامی تعاون تنظیم (او آئی سی) وزرا خارجہ کونسل کا 48 وں اجلاس 22 اور 23 مارچ کو اسلام آباد میں ہورہا ہے۔
اجلاس میں اسلامی دنیا کے وزرا خارجہ، مندوبین اور دیگر اعلیٰ شخصیات شرکت کریں گی۔
مصر کے وزیر خارجہ سامع حسن شکری اجلاس میں شرکت کے لیے پاکستان پہنچ گئے ہیں، وزارت خارجہ میں وزیر خارجہ شاہ محمود قریشی نے اپنی مصری ہم منصب کا پرتپاک استقبال کیا۔
دونوں ملکوں کے وزرائے خارجہ کے درمیان ہونے والی باضابطہ ملاقات میں دو طرفہ تعلقات اور کثیرالجہتی شعبہ جات میں دو طرفہ تعاون سمیت اہم علاقائی و عالمی امور پر تبادلہ خیال کیا گیا۔
Advertisement
گزشتہ روز وزیر خارجہ شاہ محمود قریشی نے اجلاس کے ترانے کے اجرا کی تقریب سے خطاب کے دوران کہا تھا کہ وزرائے خارجہ یوم پاکستان کی پریڈ میں بھی شرکت کریں گے جہاں وہ ہمارے قومی اتحاد کا مظاہرہ، مسلح افواج کی پیشہ ورانہ استعداد اور ہماری ثقافت کے مختلف رنگ دیکھیں گے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
