ہمارے مارچ میں ٹریفک بلاک رکھ کر انتظامیہ روڑے اٹکا رہی ہے، نیر بخاری

ویب ڈیسک

08th Mar, 2022. 05:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمارے مارچ میں ٹریفک بلاک رکھ کر انتظامیہ روڑے اٹکا رہی ہے، نیر بخاری

نیر بخاری نےکہا ہے کہ ہمارے مارچ میں ٹریفک بلاک رکھ کر انتظامیہ روڑے اٹکا رہی ہے۔

پیپلزپارٹی کے سیکرٹری جنرل نیر بخاری نے اپنے ایک بیان میں کہا کہ انتظامیہ جان بوجھ کر راستوں میں رکاوٹیں کھڑی کر رہی ہے۔

انہوں نے کہا کہ انتظامیہ کی ذمہ داری تھی ٹریفک کو کنٹرول کرنا لیکن ہمارے مارچ میں ٹریفک بلاک رکھ کر انتظامیہ روڑے اٹکا رہی ہے۔

پیپلزپارٹی کے سیکرٹری جنرل نیر بخاری کا مزید کہنا تھا کہ انتظامیہ کا یہی رویہ رہا تو ہو سکتا مارچ کو دھرنے میں تبدیل کرکے بیٹھ جائیں گے اور جہاں روکا گیا وہی دھرنا دے دیں گے۔

دوسری جانب پی پی پی کے سیکریٹری اطلاعات فیصل کریم کنڈی نے بھی اپنے جاری کردہ ایک بیان میں کہا کہ حکومت عوامی مارچ کو اسلام آباد کی جانب بڑھنے سے روک رہی ہے، انتظامیہ نے لانگ مارچ کے راستے پر ٹرک اور بسیں کھڑی کر کے بند کردیا۔

فیصل کریم کنڈی نے مزید کہا کہ حکومت کے ایسے ہتھکنڈوں کی شدید مذمت کرتے ہیں، چیئرمین بلاول بھٹو زرداری کا کارکنان کے لیئے پیغام ہے کہ کچھ بھی ہوجائے ہم ڈی چوک پہنچیں گے، رات ہوجائے یا 48 گھنٹے لگ جائیں، ہمارا آخری پڑاوَ ڈی چوک پر ہی ہوگا۔