عمران خان نے 2008 میں بائیڈن کی مدد کی پیشکش ٹھکرا دی تھی، علی زیدی کا دعویٰ

ویب ڈیسک

17th Apr, 2022. 10:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان نے 2008 میں بائیڈن کی مدد کی پیشکش ٹھکرا دی تھی، علی زیدی کا دعویٰ

پاکستان تحریک انصاف سندھ کے صدر اور سابق وفاقی وزیر علی زیدی نے دعویٰ کیا ہے کہ عمران خان نے 2008 میں امریکی صدر جو بائیڈن کی پیشکش کو ٹھکرا دیا تھا۔

کراچی میں تحریک انصاف کے جلسے کے دوران خطاب کے دوران علی زیدی نے دعویٰ کیا کہ عمران خان کی موجودہ امرریکی صدر جو بائیڈن سے 2008 میں ملاقات ہوئی تھی۔

علی زیدی نے بتایا کہ اس وقت جو بائیڈن سینیٹر تھے۔ اس ملاقات میں عمران خان کے ہمراہ وہ اور موجودہ صدر پاکستان عارف علوی بھی تھے۔

پی ٹی آئی رہنما نے دعویٰ کیا کہ اس ملاقات میں جو بائیڈن نے عمران خان کو پیشکش کی کہ آپ مشرق اور مغرب کو بڑی اچھی طرح سے جانتے ہیں، بتائیے کہ پم آپ کی کیا مدد کرسکتے ہیں؟

علی زیدی نے کہا کہ عمران خان نے اس وقت بھی جو بائیڈن کی پیشکش ٹھکرادی اور کہا کہ میری ایک مدد کرو کہ میری کوئی مدد نہ کرو، میں جب بھی وزیر اعظم بنوں گا عوام کی طاقت سے بنوں گا۔

واضح رہے کہ تحریک انصاف کا موقف ہے کہ ان کی حکومت نے پہلی مرتبہ آزاد خارجہ پالیسی تشکیل دی جو عالمی طاقتوں کو منظور نہیں تھی۔

تحریک انصاف کا دعویٰ ہے کہ ان کی حکومت کے خلاف تحریک عدم اعتماد کا آنا امریکی سازش کا نتیجہ تھا۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News