عمران خان اپنی شکست دیکھ کر اب ووٹنگ کے عمل سے بھاگ رہے ہیں، سلیم مانڈوی والا

ویب ڈیسک

08th Apr, 2022. 05:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان اپنی شکست دیکھ کر اب ووٹنگ کے عمل سے بھاگ رہے ہیں، سلیم مانڈوی والا

سلیم مانڈوی والا نے کہا ہے کہ عمران خان اپنی شکست دیکھ کر اب ووٹنگ کے عمل سے بھاگ رہے ہیں۔

سینیٹر سلیم مانڈوی والا نے کل ہونے والے قومی اسمبلی کے اجلاس سے متعلق اہم بیان دیتے ہوئے کہا کہ حکومت قومی اسمبلی اجلاس میں خلل ڈالنے اور تاخیری حربے اسعتمال کرنے کے مختلف آپشنز پر غور کر رہی ہے، انتخابات میں حصہ لینے کو ترجیح دینے والی حکومت نے اب مستعفی ہونے سے انکار کر دیا ہے۔

ان کا کہنا تھا کہ تحریک انصاف کے وزراء پر تو کل تک الیکشن لڑنے کا بھوت سوار تھا الیکشن سے راہ فرار کیوں ڈھونڈ رہے ہیں؟ حقائق یہ ہیں کہ تحریک انصاف کے ارکان قومی اسمبلی نے دو ٹوک الفاظ میں استعفے دینے سے انکار کر دیا ہے، حکومت کی جانب سے کوئی بھی تاخیری حربہ توہین عدالت کے مترادف ہو گا۔

انہوں نے کہا کہ عدالت نے واضح کر دیا ہے کہ کوئی ادارا یا شخص ووٹنگ نہیں ہونے دے گا یا ووٹنگ کے عمل کو سبوتاز کرنے کی کوشش کرے گا تو اس کے خلاف کارروائی ہو گی۔

سلیم مانڈوی والا کا کہنا تھا کہ اپوزیشن کے نمبرز مکمل ہیں، کل عوام کو اس حکومت سے نجات دلائیں گے۔