لاہور میں انسداد پولیو مہم 23 مئی 2022 کو شروع ہو گی، عمر شیر چٹھہ

ویب ڈیسک

07th Apr, 2022. 06:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور میں انسداد پولیو مہم 23 مئی 2022 کو شروع ہو گی، عمر شیر چٹھہ

ڈی سی لاہور عمر شیر چٹھہ نے کہا ہے کہ لاہور میں انسداد پولیو مہم 23 مئی 2022 کو شروع ہو گی۔

ڈی سی لاہور عمر شیر چٹھہ کی زیر صدارت انسدادِ پولیو مہم پر اہم اجلاس منعقد ہوا جس میں تمام آلائیڈ محکموں کے افسران نے شرکت کی۔

اجلاس میں ڈی سی لاہور عمر شیر چٹھہ نے ڈی ڈی ایچ او نشتر اور علامہ اقبال زون کو اپنی کارکردگی پر فوکس کرنے کی ہدایت کی۔

ان کا اس موقعے پر کہنا تھا کہ انسدادِ پولیو مہم میں پولیو ورکرز کی سخت مانیٹرنگ کی جائے، مسڈ، ریفیوزل کیسز پر خصوصی توجہ دی جائے اور پولیو مہم کے حوالے سے مؤثر پلان ترتیب دیا جائے۔

ان کا کہنا تھا کہ مہم کے لیے نیا مائیکرو پلان تشکیل دیا جائے، اگلی انسدادِ پولیو مہم میں ٹیموں کی تعداد کو بڑھایا جائے گا اور پولیو مہم شروع ہونے سے قبل ٹیموں کا ٹریننگ سیشن کیا جائے۔

انہوں نے کہا کہ انسدادِ پولیو مہم میں ناقص کارکردگی کا مظاہرہ کرنے والوں کی جواب طلبی کی جائے گی، لاہور کو پولیو سے پاک رکھنا ہی اصل مقصد ہے، انسدادِ پولیو مہم میں غفلت کا مظاہرہ ہرگز برداشت نہ کیا جائے گا۔