قازقستان کے نائب وزیرِدفاع و چیف آف جنرل اسٹاف کی سربراہ پاک فضائیہ سے ملاقات کے دوران باہمی دلچسپی کے امور پر تبادلہ خیال کیا گیا ہے۔
ترجمان پاک فضائیہ کے مطابق قازقستان کے نائب وزیرِدفاع /چیف آف جنرل اسٹاف، لیفٹیننٹ جنرل خسینوف مارات رخیمووِچ نے آج سربراہ پاک فضائیہ ایئر چیف مارشل ظہیر احمد بابر سدھو سے انکے دفتر میں ملاقات کی۔
ترجمان کا کہنا ہے کہ ملاقات کے دوران دونوں معززین نے پیشہ ورانہ اور باہمی دلچسپی کے امور پر تبادلہ خیال کیا۔
پاک فضائیہ کے ترجمان کا کہنا ہے کہ لیفٹیننٹ جنرل خسینوف مارات رخیمووِچ نے پیشہ ورانہ مہارت اور ایوی ایشن انڈسٹری میں خود انحصاری کی طرف گامزن پاک فضائیہ کی تعریف کی۔
Advertisement
ترجمان کے مطابق اس موقع پر ایئر چیف نے کہا کہ پاکستان اور ریپبلک آف قازقستان کے مابین دیرینہ مذہبی، ثقافتی اور تاریخی رشتہ قائم ہے جو دونوں فضائی افواج کے مابین مضبوط روابط کا مظہر ہے۔
انہوں نے دونوں برادر ممالک کے درمیان باہمی تعاون کو مزید فروغ دینے کے عزم کا اعادہ بھی کیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
