ایئر چیف مارشل نے کہا ہے کہ اٹلی اور پاکستان کے درمیان مضبوط اور دیرینہ دفاعی تعلقات کو مزید فروغ دیا جائے گا۔

ترجمان پاک فضائیہ کی جانب سے جاری کردہ بیان کے مطابق سربراہ پاک فضائیہ ائیر چیف مارشل ظہیر احمد بابر سدھو سے اٹلی کی مسلح افواج کے چیف آف ڈیفنس جنرل اسٹاف ایڈمرل نے ان کے دفتر میں ملاقات کی۔

ترجمان پاک فضائیہ کا کہنا ہے کہ ملاقات کے دوران علاقائی سلامتی کی صورتحال، باہمی اور پیشہ وارانہ دلچسپی کے امور پر خصوصی زور دیتے ہوئے دونوں ممالک کے درمیان دفاعی و سیکیورٹی تعاون پر تبادلہ خیال کیا گیا۔

ترجمان پاک فضائیہ کا یہ بھی کہنا ہے کہ ملاقات میں دونوں معززین نے تربیت اور خود انحصاری سمیت دفاعی تعلقات کو مزید فروغ دینے پر بھی اتفاق کیا۔

اس موقع پر معزز مہمان نے پاکستان کی مسلح افواج کی پیشہ وارانہ مہارت کا اعتراف کیا اور مختلف شعبوں میں تعاون بڑھانے کے عزم کا اظہار کرتے ہوئے کہا کہ پاکستانی مسلح افواج کی پیشہ وارانہ مہارت قابل تعریف ہے۔

اٹلی کی مسلح افواج کے چیف آف ڈیفنس جنرل اسٹاف نے کہا کہ تعامل سے دوطرفہ دفاعی تعلقات کو مزید تقویت ملی ہے، فریقین کے مابین باہمی مفاہمت اور تعاون میں خاطر خواہ اضافہ ہو گا۔

ملاقات میں سربراہ پاک فضائیہ نے اٹلی اور پاکستان کے درمیان مضبوط اور دیرینہ دوطرفہ دفاعی تعلقات کو مزید فروغ دینے کے عزم کا اعادہ کیا۔

ایئر چیف مارشل ظہیر احمد بابر سدھو نے کہا کہ اٹلی اور پاکستان کے درمیان مضبوط اور دیرینہ دفاعی تعلقات کو مزید فروغ دیا جائے گا۔