موجودہ نیب کو برقرار رکھنے کا کوئی جواز نہیں، ترجمان پی ڈی ایم

ویب ڈیسک

21st Jun, 2022. 09:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موجودہ نیب کو برقرار رکھنے کا کوئی جواز نہیں، ترجمان پی ڈی ایم

ترجمان پی ڈی ایم نے کہا ہے کہ موجودہ نیب کو برقرار رکھنے کا کوئی جواز نہیں۔

ترجمان پی ڈی ایم حافظ حمداللہ نے نیب ادارے پر رد عمل دیتے ہوئے کہا کہ نیب کو ہمیشہ سیاسی انتقام کے لئے استعمال کیا جاتا رہا، گزشتہ چار سال عمران رجیم نے نیب کو اپنے سیاسی مخالفین کے خلاف بے دریغ استعمال کیا۔

انہوں نے کہا کہ نیب کی جانبداری، نااہلی اور نالائقی پر سپریم کورٹ اور ہائی کورٹ کے ریمارکس ریکارڈ پر ہے۔

ترجمان پی ڈی ایم کا کہنا تھا کہ نیب سیاسی پارٹیوں کو توڑنے، سیاسی مخالفین کو کمزور کرنے اور سیاست کوبدنام کرنے کے لئے ہے۔

ان کا یہ بھی کہنا تھا کہ عمران نیازی نے نیب کے ذریعے قومی و ملکی مفادات کوناقابل تلافی نقصان پہنچایا، پارلیمنٹ کو احتساب کا نیا قانون بنانا چاہیے۔

ترجمان پی ڈی ایم حافظ حمداللہ نے کہا کہ نیب نے کئی کئی مہینے اور سالوں سیاسی مخالفین کو قید میں رکھا، موجودہ نیب کو برقرار رکھنے کا کوئی جواز نہیں۔

ترجمان پی ڈی ایم حافظ حمداللہ کا مزید کہنا تھا کہ مگر کچھ بھی ثابت نہ کرسکا جس سے ان کی اور اہل خانہ کی توہین ہوتی رہی لہذا نیب آمر کا بنایا ہوا بدنام زمانہ ادارہ ہے یہ سمندر برد ہونا چاہیے۔