تاجر دوست حکومت رات 9 بجے مارکیٹ بند کرنے کا نوٹیفکیشن واپس لے، اجمل بلوچ

ویب ڈیسک

20th Jun, 2022. 09:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تاجر دوست حکومت رات 9 بجے مارکیٹ بند کرنے کا نوٹیفکیشن واپس لے، اجمل بلوچ

آل پاکستان انجمن تاجران کے صدر اجمل بلوچ نے کہا ہے کہ تاجر دوست حکومت رات 9 بجے مارکیٹ بند کرنے کا نوٹیفکیشن واپس لے۔

اجمل بلوچ نے اپنے ایک بیان میں کہا کہ حکومت وفاق، پنجاب اور سندھ میں کاروبار بند کرنے کا نوٹیفکیشن واپس لے۔

ان کا کہنا تھا کہ اسلام آباد کے تاجر آج رات 9 بجے کاروبار بند کرنے کے خلاف سپر مارکیٹ میں مظاہرہ کریں گے،

انہوں نے کہا کہ کے پی کے اور بلوچستان حکومت کے کاروبار بند نہ کرانے پر دل سے شکر گزار ہیں۔

اجمل بلوچ نے کہا کہ تاجر دوست حکومت کا کاروباری طبقے کے خلاف 144 کا استعمال سمجھ سے بالاتر ہے، حکومت رات 9 سے 10 بجے تک بجلی بند کر لے کاروبار بند نہ کرائے، اگر تو مقصد بجلی بچانا ہے تو رات 9 سے 10 بجلی بند کرنا بہترین فارمولا ہے۔

ان کا کہنا تھا کہ اگر رات 9 بجے کاروبار بند کرنا آئی ایم ایف کی شرط ہے تو پھر ہمارا اللہ ہی حافظ ہے۔