اقتصادی رابطہ کمیٹی کے اجلاس میں مقبوضہ کشمیر کے مہاجرین کیلئے 3.09 ارب کی سپلیمنٹری گرانٹ کی منظوری دے دی گئی۔

وزیر خزانہ مفتاح اسماعیل کی زیر صدارت اقتصادی رابطہ کمیٹی کا اجلاس ہوا جس میں ملک بھر میں یکساں ٹیرف کے اطلاق کی منظوری دی گئی، یونیفارم ٹیرف کا اطلاق کے الیکٹرک کے صارفین پر بھی ہو گا، کے الیکٹرک تین ماہ کیلئے صارفین سے 57 پیسے فی یونٹ اضافی وصول کرے گا۔

اجلاس میں حکومتی آئی پی پیز کی مالی ضروریات کیلئے 17 ارب روپے جاری کرنے کی منظوری، کے الیکٹرک صارفین کیلئے سہ ماہی فیول پرائس ایڈجسٹمنٹ کی منظوری، وزیراعظم اسسٹنس پیکیج کے تحت شہداء کے اہلخانہ کیلئے 1.22ارب کی گرانٹ کی منظوری، ویکسئن کی خریداری کیلئے فیڈرل ڈائریکٹوریٹ آف امیونائزیشن کو 6.13 ارب کی فراہمی کی منظوری اور مقبوضہ کشمیر کے مہاجرین کیلئے 3.09 ارب کی سپلیمنٹری گرانٹ کی منظوری دی گئی۔

منعقدہ اجلاس میں وزراء کالونی میں تعمیر اور مرمت کیلئے اضافی فنڈز کی فراہمی کی سمری مسترد، وزارت داخلہ کے جون تک کے اخراجات کیلئے 5.69 ارب کی سپلیمنٹری گرانٹ کی منظوری، آئی پی پیز کو ادائیگیوں کیلئے 96.13 ارب کی سپلمنٹری گرانٹ کی منظوری اور این سی او سی کے تحت میڈیا مہم کیلئے 4 کروڑ روپے کی سپلیمنٹری گرانٹ کی منظوری دی گئی۔

اجلاس میں کیبنٹ ڈویڑن کے 6 سکواڈرن کیلئے 12.58 کروڑ کی سپلیمنٹری گرانٹ کی منظوری، وزارت خارجہ کیلئے 3.75 ارب کی بجٹ گرانٹس کی منظوری، ایس سی او کیلئے 37.9 کروڑ کی ضمنی گرانٹ کی منظوری اور پاکستان ریلوے کیلئے 5 ارب کی ضمنی گرانٹس کی منظوری بھی دے دی گئی۔