ہم عوام سے پیٹرول کی قیمت میں اضافہ کرنے پر معذرت خواہ ہیں، امیر مقام

ویب ڈیسک

17th Jun, 2022. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم عوام سے پیٹرول کی قیمت میں اضافہ کرنے پر معذرت خواہ ہیں، امیر مقام

وزیراعظم میاں شہباز شریف کے معاون خصوصی برائے سیاسی امور اور پاکستان مسلم لیگ (ن) کے صوبائی صدر انجینئر امیر مقام نے کہا ہے کہ ہم عوام سے فیول کی قیمت میں اضافہ کرنے پر معذرت خواہ ہیں۔

امیر مقام نے پریس کانفرنس کرتے ہوئے کہا کہ آئی ایم ایف کے ساتھ جو معاہدہ ہوا وہ پاکستان کا معاہدہ ہے، اگر معاہدہ پر عمل نا کریں تو پاکستان کا نظام بیٹھ جائے گا، مجبوری کے تحت یہ اودام اٹھائے گئے ہیں جس کا ہمیں احساس ہے۔

ان کا کہنا تھا کہ لوڈ شیڈنگ اس وقت کا سب سے بڑا ایشو ہے، بدقسمتی سے ڈیمانڈ اور سپلائی میں کافی فرق آیا ہوا ہے، 3300 میگا واٹ ڈیمانڈ ہے 1700 میگا واٹ ہمیں ملتی ہے، گزشتہ سال کی نسبت 35 فیصد ڈیمانڈ زیادہ ہے۔

انہوں نے کہا کہ امید ہے کہ جولائی میں بجلی کی لوڈ شیڈنگ میں کمی آئے گی، کے پی گورنمنٹ بتائے کہ گزشتہ سالوں میں نیشنل گریڈ میں کتنی بجلی شامل کی گئی؟

امیر مقام نے کہا کہ ایک دو دن میں عوام کو بہتری نظر آ رہی ہو گی، ہم خود اس کو مانیٹر کر رہے ہیں۔

ان کا کہنا تھا کہ پاکستان بننے تک پی ٹی آئی نے سب سے زیادہ قرضہ لیا ہے، کرپشن اس دور میں سب سے زیادہ ہے۔