شرجیل میمن نےکہا ہے کہ ملک کی معاشی صورتحال کی ابتری کا ذمہ دار عمران خان ہے۔

صوبائی وزیر اطلاعات و ٹرانسپورٹ شرجیل میمن نے انٹراسٹی بس سروس پراجیکٹ کی تقریب سے خطاب کرتے ہوئے کہا کہ آج پیپلز پارٹی بس سروس کے تحت کہ پہلا ٹیسٹ رن ہے۔

انہوں نے کہا کہ بسیں کراچی کے عوام کو آرام دہ سفر کے لئے لائی گئی ہیں، چیئرمین پیپلز پارٹی بلاول بھٹو زرداری کی خصوصی ہدایت پر پیپلز پارٹی بس سروس کو تیزی سے مکمل کر رہے ہیں

 شرجیل میمن نے یہ بھی کہا کہ وزیراعلیٰ سندھ مراد علی شاہ کی صدارت یہ منصوبہ جاری ہے، محکمہ ٹرانسپورٹ کے حکام چھٹی کے دن بھی کام کر رہے ہیں۔

صوبائی وزیر اطلاعات و ٹرانسپورٹ کا کہنا تھا کہ پیپلز پارٹی کی سندھ حکومت کراچی کے عوام کو بہترین ٹرانسپورٹ دینے پر ترجیح ہے، یہ بس سروس پیپلز پارٹی کی سندھ حکومت کی طرف سے تحفہ ہے، مزید بسیں جلد چین سے پہنچیں گی۔

ان کا یہ بھی کہنا تھا کہ پیپلز پارٹی کی قیادت اور وزیراعلیٰ سندھ نے جلد منصوبہ کو مکمل کرنے کی ہدایت ہے، بس منصوبہ میں مزید تاخیر نہیں ہوگی۔

انہوں نے کہا کہ ملک کی معاشی صورتحال کی ابتری کا ذمہ دار عمران خان ہے، عمران خان کے دور حکومت میں زیادہ سے زیادہ قرضے لیے گئے۔

صوبائی وزیر اطلاعات و ٹرانسپورٹ نے یہ بھی کہا کہ عمران خان کے حالیہ بیانات پر عوام میں شدید غصے میں ہے، عمران خان پاکستان کی طرف میلی آنکھ سے دیکھنے والے کی آنکھ نکال دینگے۔

شرجیل میمن کا کہنا تھا کہ پی ٹی آئی کی سیکنڈ ٹیئر لیڈرشپ واضح کرے کہ وہ ملک کے خلاف بیانات پر عمران خان کے ساتھ ہے یا الگ ہے۔

صوبائی وزیر اطلاعات و ٹرانسپورٹ شرجیل میمن کا مزید کہنا تھا کہ انٹراسٹی بس سروس پراجیکٹ کی تقریب میں شرجیل میمن کے ہمراہ وزیر محنت سعید غنی ، معاون خصوصی وقار مہدی بھی موجود تھے۔