مذہبی نقطہ نظر کے عنوان سے نفسیاتی اور سماجی مسائل کے حل سے متعلق سیمینار کا انعقاد کیا گیا۔

تفصیلات کے مطابق گذشتہ دنوں کراچی کے مقامی ہوٹل میں سیمینارسے خطاب کرتے ہوئے مائنڈ اینڈ ہیلتھ کی چئیرپرسن انیتا یعقوب نے کہا کہ معاشی بگاڑ کی وجہ سے اس وقت انسان جتنا ڈپریشن کا شکار ہے اس سے پہلے کبھی نہیں تھا اس کی اہم وجہ مذہب سے دوری بھی ہے۔

انیتا یعقوب کا کہنا تھا معاشرے میں اسٹریس منیجمنٹ وقت کی اہم ضرورت ہے اس طرح کی تقریبات سے لوگوں میں پھیلی مایوسیوں کو کم کرنے میں مدد ملے گی نہ صرف پرائیوٹ اداروں کو بلکہ گورنمنٹ کو بھی اس اہم ایشو پر توجہ دینے کی ضروت ہے۔

مائنڈ اینڈ ہیلتھ کی جانب سے منعقدہ تقریب کے پہلے سیشن میں ڈاکٹرز، بزنس مین، صحافیوں، تعلیمی اداروں اورخصوصا سوشل اداروں سے وابسطہ افراد کو مدعو کیا گیا تھا۔

یہ طبقہ معاشرے میں ریڑھ کی ہڈی کی حیثیت رکھتا ہے لہاذا اسٹریس منیجمینٹ کے پہلے مرحلہ میں ان خاص طبقہ کو مدعو کیا گیا تھا اس پروگرام کے مہمان خصوصی کراچی کے سینئر ماہرنفسیات شفی منصوری تھے۔

ان کے علاوہ کراچی کے معروف شاعراجمل سراج نے پروگرام میں ایمان افروز تقریر پیش کی جبکہ ارشاد ہادی نے اپنے دست مبارک سے نوجوانوں میں سرٹیفکیٹ تقسیم کیے۔

مائنڈ اینڈ ہیلتھ کی روح رواں انیتا یعقوب کا مزید کہناتھا کہ وہ ایسے پروگرام مستقبل میں بھی کراتی رہیں گی تاکہ ہم سب مل کر نفسیاتی اور سماجی مسائل کا حل اسلامی تعلیمات کی روشنی میں نکال سکیں اور ہمارا۔معاشرہ امن و سکون کا گہوارہ بن سکے۔