آج صبح 8  بجے سے دوپہر 2  بجے تک ہونے والی بارش کے اعداد و شمار جاری  کردیے گئے۔

جاری کردہ اعداد و شمار کے مطابق  آج سب سے زیادہ بارش قائد آباد میں 39.1 ملی میٹر ریکارڈ  کی گئی۔

فیصل بیس میں 14.5  ملی میٹر ،کورنگی  میں 11.5 ملی میٹر ،اولڈ ایئر پورٹ  پر 9.8  ملی میٹر  اور جناح ٹرمینل  پر 8 ملی میٹر  بارش ریکارڈ  کی گئی۔

اس کے علاوہ  یونیورسٹی روڈ  پہ 7.2 ملی میٹر ، ڈی ایچ اے  میں 5.2 ملی میٹر ، گلشن حدید  میں 5 ملی میٹر ،سعدی ٹاؤن  میں 4.6 ملی میٹر، مسرور  بیس   اور صدر  میں 3، 3 ملی میٹر  بارش ریکارڈ  کی گئی۔

گڈاپ میں 2.6 ملی میٹر ، گلشن معمار  میں 2.2  ملی میٹر ،اورنگی ٹاؤن  میں 1.4 ملی میٹر ، نارتھ کراچی میں 0.6 ملی میٹر بارش ریکارڈ کی گئی۔

موسمیاتی تجزیہ کار جواد میمن کا کہنا ہے کہ  بارش برسانے والا سسٹم کراچی کے اوپر سے گزر رہا ہے۔سسٹم کا پھیلاؤ بہت زیادہ ہے ، یہ سسٹم بحیرہ عرب سے بلوچستان کی ساحلی پٹی کو متاثر کرے گا   جس کے بعد یہ سسٹم ایران اور عمان کی طرف منتقل ہوجائے گا۔

ان کا کہنا ہے کہ  30 جولائی  والے سسٹم کے حوالے سے کچھ بھی کہنا ابھی قبل از وقت ہے۔ سسٹم بہت دور ہے اور تاحال کسی قسم کا اندازہ یا پیشگوئی کرنا ممکن نہیں  ہے۔