بلوچستان، سندھ اور جنوبی پنجاب کے سیلاب سے متاثرہ علاقوں میں پی اے ایف کا ریسکیو اور ریلیف آپریشن جاری ہے۔

ترجمان پاک فضائیہ کے مطابق پاک فضائیہ بلوچستان، سندھ اور جنوبی پنجاب کے سیلاب سے متاثرہ علاقوں میں ریسکیو اور ریلیف آپریشن جاری رکھے ہوئے ہے۔

In last 24 hours 346 patients have been attended by teams of PAF doctors and para-medical staff at the field hospitals established by Pakistan Air Force. Despite inclement weather conditions, PAF personnel are working hard to provide humanitarian assistance to flood affectees. pic.twitter.com/iD68nC9dne

Advertisement

— DGPR (AIR FORCE) (@DGPR_PAF) August 25, 2022

ترجمان نے بتایا کہ آپریشن کے دوران حالیہ طوفانی بارشوں اور سیلاب سے بری طرح متاثر ہونے والے افراد میں 12375 پاؤنڈ امدادی سامان تقسیم کیا گیا جبکہ پی اے ایف کی ایمرجنسی ریسپانس ٹیمیں سیلاب زدگان کو محفوظ مقامات پر منتقل کرنے میں مسلسل مصروف ہیں۔

مزید برآں، گزشتہ 24 گھنٹوں کے دوران پاک فضائیہ کے قائم کردہ فیلڈ اسپتالوں میں پی اے ایف کے ڈاکٹروں اور پیرا میڈیکل اسٹاف کی ٹیموں نے 346 مریضوں کا مفت علاج کیا اور انہیں ادویات فراہم کیں۔

ترجمان کا کہنا تھا کہ ملک بھر میں خاص طور پر سیلاب زدہ علاقوں میں نامساعد موسمی حالات کے باوجود پی اے ایف اہلکار سیلاب متاثرین کو انسانی ہمدردی کی بنیاد پر امداد فراہم کرنے میں کوشاں ہیں۔