پاک فوج کی جانب سے کامن ویلتھ گیمز میں میڈلز حاصل کرنے والے کھلاڑیوں کو مبارکباد دی گئی ہے ۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کی جانب سے کامن ویلتھ گیمز میں نوح دستگیر بٹ کو گولڈ میڈل جیتنے پر اور شاہ حسین شاہ کو کانسی کا تمغہ جیت کر پاکستان کا سر فخر سے بلند کرنے پر مبارکباد دی ہے۔

Congratulations from Pakistan Armed Forces to Nooh Dastagir Butt for winning Gold Medal & Shah Hussain Shah for winning Bronze Medal in Commonwealth Games making Pakistan proud.

Advertisement

Pakistan 🇵🇰 Zindabad pic.twitter.com/FQ6Ss0PxDE

— DG ISPR (@OfficialDGISPR) August 5, 2022

آئی ایس پی آر نے دونوں کھلاڑیوں کو قوم کا فخر قرار دیا ہے۔

خیال رہے کہ پاکستان کے ویٹ لفٹر نوح دستگیر بٹ نے گولڈ میڈل جبکہ جوڈو میں شاہ حسین شاہ نے برانز میڈل حاصل کیا ہے۔

نوح دستگیر بٹ:

نوح دستگیر بٹ نے کامن ویلتھ گیمز میں پاکستان کے لیے پہلا گولڈ میڈل حاصل کیا ہے جبکہ انہوں نے 109 کلو گرام کیٹیگری میں نیا ریکارڈ بھی بنا ڈالا ہے۔

نوح دستگیر بٹ نے 109 کلو گرام کیٹیگری میں سنیچ کی پہلی کوشش میں 170 کلوگرام وزن اٹھایا، دوسری کوشش میں 173 کلوگرام اور تیسری کوشش میں 174 کلو گرام وزن اٹھا کر پاکستان کے لیے پہلا گولڈ میڈل حاصل کیا ہے۔

شاہ حسین شاہ:

جوڈو میں پاکستان کے شاہ حسین شاہ نے برانز میڈل جیتا ، شاہ حسین شاہ نے جنوبی افریقی بریٹن بیچ کو ہراکر برانز میڈل جیتا ہے۔

اس موقع پر شاہ حسین کے کوچ فیصل بٹ نے کہا کہ شاہ نے پوری قوم کا سر فخر سے بلند کیا ہے، شاہ حسین نے بے پناہ محنت کی ہے پاکستان کو پہلا میڈل دلوایا ہے ۔

واضح رہے کہ شاہ حسین شاہ نے دوسری مرتبہ کامن ویلتھ گیمز میں میڈل جیتا ہے، شاہ حسین 2014 کے مقابلوں میں سلور میڈل جیت چکے ہیں۔