کے الیکٹرک نے شہر قائد میں لوڈ شیڈنگ ختم کرنے کے امکان کو مسترد کردیا۔
ترجمان کے الیکٹرک کا کہنا ہے کہ شہر میں بجلی کی فراہمی معمول کے مطابق جاری ہے ۔
ترجمان کے الیکٹرک کا کہنا ہے کہ کراچی میں بجلی کی سپلائی ویب سائٹ پر موجود 30 جون کو جاری کیے گئے شیڈول کے مطابق جاری ہے۔ لوڈ شیڈ نگ کے اس شیڈول میں کوئی اضافہ یا تبدیلی نہیں کی گئی ۔
ترجمان کے الیکٹرک کا مزید کہنا ہے کہ شارٹ فال 24 گھنٹے برقرار رہنے کے باعث رات کی لوڈشیڈنگ ختم نہیں کرسکتے۔
دوسری جانب وفاقی وزیر خزانہ مفتاح اسماعیل نے آج صبح پریس کانفرنس کے دوران کراچی میں لوڈشیڈنگ سے متعلق سوال پر جواب دیا کہ کراچی میں بدترین لوڈشیڈنگ کا سوال ہی غلط ہے۔
وزیر خزانہ نے کہا کہ کے الیکٹرک کو ایک ہزار میگاواٹ بجلی مفت فراہم کی جاتی ہے جس کی وجہ سے کراچی میں بجلی کی لوڈشیڈنگ دیگر شہروں کی نسبت کم ہوئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
