پاکستان تحریک انصاف (پی ٹی آئی) فیصل جاوید کا کہنا ہے کہ عمران خان کے خلاف مقدمے پر قانونی راستہ اپنائیں گے۔

پی ٹی آئی رہنما فیصل جاوید نے  بول نیوز سے گفتگو کرتے ہوئے کہا کہ پی ٹی آئی اجلاس میں قانونی امور پر بات چیت کریں گے اور قانونی ماہرین سے اس معاملے پرمشاورت کریں گے۔

‘حقیقی آزادی کی تحریک کا آغاز ہوچکا ہے’

فیصل جاوید نے کہا کہ عمران خان کی کچھ گھنٹوں کی کال پرعوام باہر نکل آئی، لاہور کے جلسے نے تمام ریکارڈ توڑ دیئے، پرسوں ہری پور کا رخ کریں گے

انہوں نے کہا کہ حقیقی آزادی کی تحریک کا آغاز ہوچکا ہے، عوام کا جذبہ دیکھنے والا ہے، ایسا جذبہ قائداعظم کے ساتھ پاکستان بناتے وقت تھا اب عمران خان کے ساتھ ملک بچانے کیلئے ہے۔

‘بول نیوز گھر گھر کی آواز بن گیا’

پی ٹی آئی رہنما نے کہا کہ امپورٹڈ حکومت نے آزادی صحافت پرپابندی لگادی، بول نیوز کی نشریت کو بند کیا گیا، سمیع ابراہیم وبول کے دیگرصحافیوں کو تنگ کیا گیا، امپورٹڈ حکومت حق اور سچ کی آواز بند کرنا چاہتی ہے۔

انکا کہنا ہے کہ بول نیوز گھر گھر کی آواز بن گیا، حق اور سچ کی آواز بلند کرنا انکا جرم بن گیا، عمران خان نے اپنے دور میں کسی چینل وصحافی پر پابندی نہیں لگائی۔

‘بول نیوز رینکنگ میں آگے چلا گیا’

فیصل جاوید نے کہا کہ بول نیوز پر پابندی لگائی گئی لیکن سوشل میڈیا پر بول کے چرچے ہیں، بول نیوز رینکنگ میں آگے چلا گیا، جس چیز کو جتنا دبا رہے ہیں وہ اتناہی اوپر جارہے ہیں۔

‘عمران خان کو کسی چیز کا خوف نہیں’

انہوں نے مزید کہا کہ امپورٹڈ حکومت کے آخری دن چل رہے ہیں، عمران خان خدا کے سوا کسی کے سامنے نہیں جھکتے، عمران خان کو کسی چیز کا خوف نہیں، ریلیکس ہیں۔