معیاری خوراک کی فراہمی کیلئے پنجاب فوڈ اتھارٹی کوشاں، معروف پیزا برانڈ کی پروڈکشن بند

ویب ڈیسک

04th Aug, 2022. 06:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معیاری خوراک کی فراہمی کیلئے پنجاب فوڈ اتھارٹی کوشاں، معروف پیزا برانڈ کی پروڈکشن بند

معیاری خوراک کی فراہمی کیلئے پنجاب فوڈ اتھارٹی نے معروف پیزا برانڈ کی پروڈکشن بند کرا دی۔

تفصیلات کے مطابق پنجاب فوڈ اتھارٹی نے شالیمار لنک روڈ پر واقع معروف پیزا پوائنٹ پر چھاپہ مار کر ناقص انتظامات پر پروڈکشن بند کرا دی۔

ڈی جی فوڈ اتھارٹی شعیب جدون نے کارروائی کی تفصیلات دیتے ہوئے کہا کہ حشرات کی بہتات اور صفائی کے غیر معیاری انتظامات پر کارروائی کی گئی، کیونکہ یہاں سابقہ ہدایات پر عمل نہ کرنے اور ملازمین کے میڈیکلز اور ٹریننگ سرٹیفکیٹس کی عدم موجودگی پائی گئی۔

شعیب جدون نے کہا کہ حفظان صحت کے اصولوں کو نظر انداز کر کے فاسٹ فوڈ پراڈکٹس تیار کی جا رہی تھیں، مسلسل قوانین کی خلاف ورزیوں اور انتہائی ناقص انتظامات پر پروڈکشن ہونے تک اصلاح بند رکھی جائے گی۔

ان کا کہنا تھا کہ عوام تک معیاری اور صحت بخش خوراک کی فراہمی اولین ترجیح ہے، مسلسل قوانین کی خلاف ورزیوں پر فوڈ پوائنٹس کے لائسنس منسوخ کر دیے جائیں گے۔