سابق وفاقی وزیر شیخ رشید نے کہا ہے کہ قوم سیلاب زدگان کیلئے حکمرانوں کے بجائے عمران خان کو چندہ دے گی۔

سماجی رابطے کی ویب سائٹ پر اپنے ایک پیغام میں سابق وزیر داخلہ شیخ رشید نے موجودہ حکومت کو ایک بار پھر تنقید کا نشانہ بنایا ہے۔

پاکستان میں ہر10سال بعد سیلاب آتا ہے لیکن حکومت میں نبٹنے کی صلاحیت نہیں۔دنیا نے سیلابی پانی کےلیے ڈیم بنائے،ہم غریبوں کی بستیوں کو ڈیم بنادیتے ہیں۔ابھی تک2010کے سیلاب متاثرین آبادنہیں ہوسکے۔آج دیکھتے ہیںIMFکیا فیصلہ کرتی ہے۔ووٹ دینےوالے عذاب میں،لینے والے محلوں میں مزے کررہے ہیں

— Sheikh Rashid Ahmed (@ShkhRasheed) August 29, 2022

انہوں نے بتایا کہ پاکستان میں ہر10سال بعد سیلاب آتا ہے لیکن حکومت میں اس صورتحال سے نمٹنے کی صلاحیت موجود نہیں ہے۔

انہوں نے مزید کہا کہ دنیا نے سیلابی پانی کے لیے ڈیم بنائے  لیکن ہم غریبوں کی بستیوں کو ہی ڈیم بنادیتے ہیں جس کی وجہ سے آج تک2010کے سیلاب متاثرین آبادنہیں ہوسکے ہیں۔

شیخ رشید احمد نے ٹوئٹ میں کہا ہے کہ وزیراعظم سیکیورٹی کے ہمراہ روزانہ بچوں کےساتھ اسٹائل بناکر تصویر بنواتے ہیں۔

ان کا کہنا تھا کہ کرپشن زدہ بھکاری حکمرانوں کی  بجائے لوگ عمران خان کو سیلاب ردگان کی مدد کے لئے چندہ دینگے۔

انہوں نے کہا کہ دیکھنا ہے کہ آج آئی ایم ایف کیا فیصلہ کرتی ہے۔

ووٹ دینے والے سیلاب میں مررہے ہیں،لینے والے اسلام آباد میں مزے کررہے ہیں۔IMFکالیٹر آف انٹینٹ عام کیاجائے تاکہ آنے والے عذاب کا پتہ چل سکے۔دنیا میں پیٹرولیم مصنوعات سستی،ہم20روپے فی لیٹر مزید سیلز ٹیکس لگانے جارہے ہیں۔ فیول سرچارج کے بغیربنک بل وصول نہیں کررہے۔ڈالر کو پرلگ گئے ہیں

— Sheikh Rashid Ahmed (@ShkhRasheed) August 25, 2022

خیال رہے کہ اس سے قبل  بھی اپنے ایک پیغام میں شیخ رشید نے کہا تھا کہ ووٹ دینے والے سیلاب میں مررہے ہیں جبکہ ووٹ لینے والے اسلام آباد میں مزے کررہے ہیں۔