اہلیان کراچی کے لیے خوشخبری، شہر کے انفراسٹرکچر کی بہتری کے لیے کام شروع

انوشہ شیخ

23rd Aug, 2022. 12:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اہلیان کراچی کے لیے خوشخبری، شہر کے انفراسٹرکچر کی بہتری کے لیے کام شروع

وزیراعلی سندھ مراد علی شاہ نے کراچی شہر کے انفراسٹرکچر کی بہتری کے لیے بڑا فیصلہ کرلیا ہے۔

تفصیلات کے مطابق سندھ حکومت نے کراچی میں بارشوں کے بعد سڑکوں اور انفراسٹرکچر کی بہتری کے لیے ایک ارب روپے جاری کردیے ہیں۔

ذرائع کا کہنا ہے کہ محکمہ بلدیات کے زیر نگرانی کراچی شہر کی مختلف سڑکوں پر کام شروع کردیا گیا ہے۔

ذرائع سندھ حکومت نے بتایا کہ شہر بھر کی سڑکیں تیز طوفانی بارشوں سے تباہی ہوچکی ہیں اس لیے فوری بہتری کا کام شروع کرنے کا فیصلہ کیا گیا ہے۔

ذرائع سندھ حکومت کا کہنا ہے کہ محکمہ بلدیات کو شہر کی تمام سڑکوں پر گڑھوں کو پر کرنے کے لیے پہلے مرحلے میں پتھر بچھانے کی ہدایت کردی گئی ہے۔

سیکریٹری محکمہ بلدیات سندھ نجم شاہ نے کہا کہ شہر بھر میں مرکزی شاہراہوں سمیت اضلاع میں سڑکوں کو بارش سے شدید نقصان ہوا ہے، وزیراعلی سندھ کے حکم پر شہر بھر میں سڑکوں کی بحالی پر کام تیز کردیا ہے۔

نجم شاہ سیکریٹری محکمہ بلدیات کا مزید کہنا ہے کہ پہلے مرحلے میں یونیورسٹی روڈ کی بہتری پر کام شروع کردیا گیا ہے۔