وزیراعظم کے معاون خصوصی ملک احمد خان نے کہا ہے کہ پاک فوج نے ملک کے لیے لازوال قربانیاں دی ہیں۔

تفصیلات کے مطابق لبرٹی چوک میں مسلم لیگ ن کے زیر اہتمام فوجی ہیلی کاپٹر حادثے کے شہداء کی یاد میں شمعیں روشن کی گئیں جس میں ملک احمد خان، حنا پرویز بٹ، سلمہ بٹ و دیگر نے شرکت کی۔

“جب ملک مشکل میں ہوتا ہے تو پوری قوم اور ادارے اکٹھا ہوتے ہیں”

وزیراعظم کے معاون خصوصی ملک احمد خان نے اس موقعے پر میڈیا سے گفتگو کرتے ہوئے کہا کہ ہیلی کاپٹر حادثے میں شہید ہونے والوں کے غم میں یہاں اکٹھے ہوئے ہیں، جب ملک مشکل میں ہوتا ہے تو پوری قوم اور ادارے اکٹھے ہوتے ہیں۔

“شہدا کی قربانی سے پوری قوم کا سر فخر سے بلند ہوا ہے”

ان کا کہنا تھا کہ شہدا کی قربانی سے پوری قوم کا سر فخر سے بلند ہوا ہے، دکھ کی اس گھڑی میں پوری قوم پاک فوج کے ساتھ کھڑی ہے۔

“شہید کی قربانی کھبی رائے گاں نہیں جاتی”

انہوں نے کہا کہ پاک فوج نے ملک کے لیے لازوال قربانیاں دی ہیں، شہید کی قربانی کھبی رائے گاں نہیں جاتی۔

“فوج نے لازوال قربانیوں کے ساتھ اس ملک کی خدمت کی ہے”

ملک احمد نے کہا کہ ہیلی کاپٹر حادثے پر منفی پروپیگنڈا ہونا باعث افسوس ہے، شہدا ہمارے ہیرو ہیں، پوری قوم ان کی فیملیز کے ساتھ کھڑی ہے، فوج نے لازوال قربانیوں کے ساتھ اس ملک کی خدمت کی ہے۔

“ہمارے دلوں میں شہیدوں کی ہمیشہ قدر رہے گی”

ان کا مزید کہنا تھا کہ ہمارے دلوں میں شہیدوں کی قدر رہے گی، شہداء کی فیملیز سے تعزیت کرتے ہیں، اس دکھ کی گھڑی میں پوری قوم ان کے ساتھ کھڑی ہے، فارن آفس نے بڑا کلیئر کر دیا ہے کسی بھی ڈرون اٹیک میں پاکستان کی سرزمین استعمال نہیں ہوئی، لوگ ایسے معاملات پر پروپگینڈا کرتے ہیں۔