ایڈمنسٹریٹر کراچی مرتضی وہاب نے کہا ہے کہ ہم اب سڑکوں کی تعمیر کی جانب جارہے ہیں۔

پریس کانفرنس کرتے ہوئے ایڈمنسٹریٹر کراچی مرتضی وہاب نے کہا کہ پچھلے 2 ماہ میں تاریخ کی سب سے بھاری بارش تمام اضلاع میں ہوئی، بارشوں کے دوران تمام اداروں نے مل کر کام کیا اور شہر کے بیشتر علاقوں میں پانی کھڑا نہیں ہوا۔

ایڈمنسٹریٹر کراچی مرتضی وہاب نے کہا کہ سڑکوں کی تعمیر کی فوری ضرورت ہے باقی اضلاع میں بھی بڑی تباہی ہوئی ہے جبکہ سندھ کے اضلاع میں ابھی بھی بارش جاری ہے۔

انہوں نے کہا کہ  ایسے افراد جو پریشان ہیں،  گھر ٹوٹ گئے ہیں انکو مدد کرینگے جبکہ وزیراعلی سندھ نے کل وزیراعظم سے ملاقات کی ہے۔

ایڈمنسٹریٹر کراچی مرتضی وہاب نے کہا کہ ملاقات میں بارشوں کی صورتحال پر بات ہوئی، تنقید کرنے والے پہلے بھی تنقید کرتے تھے کل بھی کرینگے۔

انہوں نے کہا کہ کسی بھی سڑک کا ٹوٹنا ہمارے مفاد میں نہیں ہے، جہانگیر روڈ کی سڑک ہم  نے نہیں بنائی تھی عامر لیاقت مرحوم نے وفاق سے بنوائی تھی۔

  مرتضی وہاب نے کہا کہ نے کہا کہ  48 گھنٹوں سے بارش نہیں ہوئی اب ہم سڑکوں کی تعمیر کی جانب جارہے ہیں، سندھ حکومت نے کراچی کے لئے 157 ڈیولپمنٹ اسکیم رکھی ہیں۔

ان کا مزید کہنا تھا کہ کورنگی کے پل پر تعمرات نومبر میں شروع ہوگی۔