سیلاب متاثرین کی امداد کیلئے قائم وزیراعظم ریلیف فنڈ کا ایس ایم ایس نمبر جاری

ملک سعید اعوان

26th Aug, 2022. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیلاب متاثرین کی امداد کیلئے قائم وزیراعظم ریلیف فنڈ کا ایس ایم ایس نمبر جاری

سیلاب متاثرین کے عطیات کیلئے وزیراعظم فلڈ ریلیف 2022 کا شارٹ کوڈ جاری کردیا گیا ہے۔

پاکستان ٹیلی کام اتھارٹی (پی ٹی اے) نے باضابطہ نوٹیفیکیشن جاری کر دیا گیا ہے، جس میں بتایا گیا ہے کہ شہری موبائل فون سے “فنڈ” لکھ کر 9999 پر ایس ایم ایس بھیج کر 10 روپے عطیہ کرسکتے ہیں۔

پی ٹی اے کا نوٹیفیکیشن میں بتایا گیا ہے کہ تمام آپریٹرز جمع ہونے والے عطیات سے این ڈی ایم اے کو مطلع کریں گے۔

واضح رہے کہ وزیراعظم شہباز شریف نے تباہ کن سیلاب کی صورتحال میں اندرون و بیرون ملک پاکستانیوں، مخیر حضرات اور اداروں سے عطیات دینے کی اپیل کی تھی۔

سب سے بڑا مسئلہ دیہاتوں سے پانی نکالنا ہے، وزیراعظم

وزیراعظم شہباز شریف نے کہا ہے کہ سب سے بڑا مسئلہ دیہاتوں سے پانی نکالنا ہے۔

میڈیا سے گفتگو کرتے ہوئے وزیراعظم شہباز شریف کا کہنا تھا کہ سب سے بڑا مسئلہ دیہاتوں سے پانی نکالنا ہے، بارش اورسیلاب سے اتنے بڑے پیمانے پر تباہی کا سوچا بھی نہیں جاسکتا تھا۔

وزیراعظم نے کہا کہ سندھ میں سیلاب اور بارشوں سے گھر تباہ ہو گئے، پورے پورے دیہات پانی کی نذر ہو گئے، سیلاب سے شدید تباہی ہوئی ہے۔

انہوں نے کہا کہ بارشوں اور سیلاب سے تباہ کاریوں کا فضائی جائزہ لیا، فضائی جائزے کےدوران ایسے لگا جیسے ہرجگہ دریائے سندھ پھیلا ہوا ہے۔

وزیراعظم کا مزید کہنا تھا کہ فلڈ ریلیف کیمپوں میں متاثرین کو امداد دی جارہی ہیں۔