میڈیکل ٹیموں نے اب تک 14822 سیلاب متاثرہ مریضوں کا طبی معائنہ کیا ہے، ترجمان پاک فضائیہ

لیفٹیننٹ کرنل (ر) رفعت ندیم احمد

31st Aug, 2022. 06:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میڈیکل ٹیموں نے اب تک 14822 سیلاب متاثرہ مریضوں کا طبی معائنہ کیا ہے، ترجمان پاک فضائیہ

ترجمان پاک فضائیہ نے کہا ہے کہ پاک فضائیہ کی میڈیکل ٹیموں نے 14822 سیلاب متاثرہ مریضوں کا طبی معائنہ کیا ہے۔

ترجمان پاک فضائیہ (پی اے ایف) کے مطابق پاک فضائیہ کی خیبرپختونخوا، سندھ، بلوچستان اور جنوبی پنجاب کے سیلاب سے متاثرہ علاقوں میں امدادی کارروائیاں جاری ہیں۔

پاک فضائیہ کے ترجمان کا کہنا ہے کہ پاک فضائیہ کی ایئر موبلٹی کمانڈ نے ہیلی کاپٹرز اور C-130 طیاروں کی 89 پروازوں کے ذریعے سیلاب سے متاثرہ علاقوں تک امدادی سامان پہنچایا ہے، وادی نلتر میں بھی پاک فضائیہ کی جانب سے ریلیف اور بحالی کا کام تیزی سے جاری ہے۔

جاری کردہ پیغام میں کہا گیا کہ پاک فضائیہ کی ایمرجنسی ریسپانس ٹیموں نے ضرورت مند خاندانوں میں 795 خیمے اور 42491 پکے ہوئے کھانے کے پیکٹ تقسیم کیے، تقسیم کیے گئے امدادی سامان میں 146726 بنیادی اشیائے خوردونوش اور خشک راشن کے بیگ اور 82806 پانی کی بوتلیں شامل ہیں۔

ترجمان کا مزید کہنا ہے کہ پاک فضائیہ کی جانب سے اب تک 16 ٹینٹ سٹیز اور 41 ریلیف کیمپس قائم کیے گئے ہیں جہاں مفت رہائش اور خوراک فراہم کی جا رہی ہے۔