زو پشاور کی 19 نئی بسیں پشاور پہنچ گئی ہیں۔

اس حوالے سے ٹرانس پشاور کے ترجمان صدف کامل نے بتایا کہ زو پشاور کی نئی بسیں پشاور پہنچنا شروع ہوگئی ہیں، 19 بسیں پشاور پہنچ گئی ہیں جبکہ مزید 62 نئی بسیں سسٹم میں شامل کی جا رہی ہیں۔

ترجمان کا کہنا تھا کہ بسوں کی کراچی میں کسٹم کلیئرنس کے بعد پشاور آمد کا سلسلہ شروع ہوگیا ہے اور باقی بسوں کی آمد کا سلسلہ جاری ہے۔

صدف کامل نے مزید کہا کہ نئی بسوں کے سسٹم میں شمولیت سے مسافروں کو مزید بہتر سفری سہولت فراہم کی جائے گی اور نئے روٹس بھی فعال کر دیئے جائیں گے۔

بی آر ٹی پشاور کی 62 نئی بسیں چین سے کراچی پہنچ گئیں

چند ہفتے قبل ہی بی آر ٹی پشاور کی 62  نئی بسیں چین سے کراچی پہنچ گئی تھیں۔

ترجمان بی آرٹی کے مطابق زو پشاور کی نئی بسیں کراچی میں پورٹ قاسم پر پہنچ گئی تھیں، سال کے اوائل میں چین کو 86 نئی بسوں کا آرڈر دیا گیا تھا جن میں سے 62 نئی بسیں پاکستان پہنچ گئیں۔

نئی 12 میٹر بسوں کی شمولیت سے بی آر ٹی بسوں کی مجموعی تعداد 220 ہو جائے گی جس سے پشاور کے شہریوں کو مزید بہترسفری سہولیات فراہم ہونگی۔

علاوہ ازیں 24 مزید بسوں کی پاکستان آمد جلد متوقع ہے، جن کے پہنچنے کے بعد بسوں کی مجموعی تعداد 244 تک پہنچ جائے گی۔

پشاور بی آر ٹی معاہدہ

آخر یہ بسیں اتنی سستی کیوں دی جائیں گی؟