صدر مملکت ڈاکٹر عارف علوی کی جانب سے صوبائی حکومتوں کو سیلاب متاثرین کی مشکلات کے حل کیلئے ضروری اقدامات اُٹھانے کی ہدایات جاری کی گئیں ہیں۔

تفصیلات کے مطابق صدر مملکت ڈاکٹر عارف علوی نے آج نوشہرہ کا دورہ کیا ہے جس دوران صدر مملکت کو مردان پل پر ضلعی حکام کی جانب سے سیلاب کے حوالے سے بریفنگ  بھی دی گئی ہے۔

صدر مملکت ڈاکٹر عارف علوی کا نوشہرہ کا دورہ

Advertisement

صدر مملکت کو مردان پل پر ضلعی حکام کی جانب سے سیلاب کے حوالے سے بریفنگ

سیلاب متاثرین کی بحالی، گھروں کی دوبارہ تعمیر کیلئے صوبائی حکومت اقدامات کی رفتار مزید تیز کرے، صدر مملکت pic.twitter.com/L9SkFz67dj

— The President of Pakistan (@PresOfPakistan) August 31, 2022

برفنگ میں بتایا گیا کہ نوشہرہ کے علاقے میں سیلاب سے تقریباََ ایک لاکھ پچاس ہزار افراد متاثر ہوئے جبکہسیلاب متاثرین کی امداد کے لیے 100 امدادی کیمپ لگائے گئے ہیں۔

کیمپوں میں 25000 کے قریب متاثرین موجود ہیں جنہیں سیلاب کی بروقت اطلاع کی وجہ سے آبادی کو بروقت محفوظ مقام پر منتقل کیا گیا۔

اس موقع پر صدر مملکت نے کہا کہ سیلاب متاثرین کی بحالی، گھروں کی دوبارہ تعمیر کیلئے صوبائی حکومت اقدامات کی رفتار مزید تیز کرے اور پوری قوم دل کھول کر متاثرین کی امداد کرے۔

انہوں نے مزید کہا کہ فوجی و سول اداروں اور فلاحی تنظیموں نے سیلاب متاثرین کی امداد کے لیے قابل تحسین کام کیا  ہے۔